تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: دولت باشلیغی ایردوغان مهم مسأله‌لر حقیده بیانات بیردی. دولت باشلیغی رجب طیب ایردوغان توناون «2019-ییل فواد سیزگین ییلی» یاپیلیش مراسمیده نطق سوزله‌دی. اونده محلي اتوموبیل حقیده بیانات بیرگن دولت باشلیغی ایردوغان، «خدا خواهله‌سه هفته نینگ جمعه کونی تورکيه نینگ اتوموبیل لایحه‌سی بیلن تنیشتیروو مراسمیده اشتراک ایته‌میز» دیدی.
حریت روزنامه سی: عمر چیلیک مهاجرلر مسأله‌سیگه توخته‌لدی.
عدالت و ترقیات حزبی نینگ مرکزي اجرا کینگشی ییغیلیشی آرتیدن مطبوعات خدمتی سوزچیسی عمر چیلیک توناون مهم مسأله‌لر حقیده بیاناتلر بیردی. عمر چیلیک، «بوندن بویان مهاجرلر مسأله‌سی نینگ تورکيه‌گه قره‌گنده کوپراق اتفاقداشلریمیز نینگ مسأله‌سی، اروپا نینگ مسأله‌سیگه ایلنیشینی آچیق-آیدین افاده ایته‌میز. خلق‌ارا همجمعيتنی تورکيه نینگ بو یوکنی بیر اوزی کوتره آلمه‌سلیگی حقیده آگاهلنتیریب قاله‌میز» دیگن افاده‌لرگه ا‌ورین بیردی.
ستار روزنامه سی: تورکيه سعودی عربستان سودی نینگ قا‌شیقچی جنایتی حقیده‌گی قراریگه اعتراض بیلدیردی. تشقی ایشلر وزیرلیگی سوزچیسی حامی آقسوی سعودی‌لیک ژورنالیست جمال قاشقچی جنایتی حقیده سعودی عربستانده سود تامانیدن معلوم قیلینگن و 5 کیشیگه اولیم، 3 کیشینی 24 ییل قماققه محکوم قیلیش حقیده‌گی قراریگه اعتراض بیلدیردی. آقسوی، «یورتیمیزده قول اوریلگن مذکور جنایتنی انیقلش و برچه جوابگرلر بیلن بویورگنلرنی انیقلب اولرنی جزاگه تارتیش نه‌فقط حقوقي بلکه وجداني وظیفه دیر. شونده‌ی ایکن سعودی‌لیک رسميلردن سود مسأله‌سیده همکارلیک قیلیش تکلیفیمیزنی تکرارله‌یمیز» دیدی.
صباح روزنامه سی: استانبول قونلغه سی 50 میلیونچی یولاوچیسینی سفرگه کوزه‌تدی. دولت باشلیغی رجب طیب ایردوغان و تورموش اورتاغی امینه ایردوغان تامانیدن استانبول دن نیو-یورککه سیاحت قیله‌یاتگن کوبانبای عایله‌سیگه سفری آلدی «50 میلیونچی یولاوچی ساوغه‌سی» تقدیم ایتیلدی. استانبول قونلغه سی اجرا کینگش اعضاسی جمال کلیونچی هم کوبانبای عایله‌سیگه 2 ته İGA PASS Premium اعضالیگینی ساوغه قیلدی.
خبر تورک روزنامه سی: یومورتقه ایشلب چیقرووچیلری عرب بازاریگه اوگیریلدی.
تورکيه نینگ نفوذلی یومورتقه ایشلب چیقرووچی مرکزیدن بیری حسابلنگن آفیون قاره حصاردن ایشلب چیقرووچیلر، کویت و بیرلشگن عرب امیرلیکلری بازاریگه اوگیریلدی. آفیون قاره حصار سودا و صناعت اتاغی اجرا کینگشی رئیسی حسنی سیرت ایسیر موضوع حقیده بیرگن بیاناتیده، ایشلب چیقرووچیلر نینگ شو ییل نینگ اپریل آییدن کیین کو‌یتده 15، سوريه‌ده 3، قطر، عرب امیرلیکلری، عمان و بحر‌ین کبی دولتلرده هم توپلم 4 میلیون دالرلیک صادرات یولگه قویگنلیکلرینی معلوم قیلدی.
