تورکیه مطبوعاتیدن خلاصه لر 15.11.2019

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ امریکا قوشمه ایالت لری دولت رهبری دونالد ترامپ و امریکا لیک سناتور لر بیلن بولیب اوتگن اوچره شووی جریانیده, سوریه لیک مهاجر لر, سوریه ده گی بولووچی ترور تشکیلاتی وای پی جی/پی کا کا نینگ وضعیتی حقیده معلومات بیرگن لیگی, روسیه دن اس 400 هوا مدافعه سیستم لری نینگ آلینیشی بوییچه ناتو اولکه لری و اینیقسه امریکا قوشمه ایالتلری نینگ رول اوینه گن لیگی نی هم سوزلی و همده راپور لر بیلن توشینتیریب بیرگن لیگی نینگ کتته تاثیر قالدیرگن لیگی نی بیلدیرماقده. 

ینی شفق روزنامه سی, ارتباط لر ریاستی نینگ باشلیغی فخرالدین آلتون نینگ رسمی تویتر حسابی آرقه لی, جمهوررئیس اردوغان نینگ, امریکا دولت رهبری دونالد ترامپ گه کورستگن "تروریزم گه قرشی کوره ش" ویدیوسی نی اورتاق لشگن لیگی نی معلوم قیلماقده. 

خبرده, جمهوررئیس اردوغان نینگ, "کورسه تیلگن 'تروریزم گه قرشی کوره ش' ویدیوسی دن اینگ کوپ ترامپ تاثیرلندی" دییه قید ایتگن لیگی بیلدیریلماقده. 

روزنامه, اوشبو ویدیوده ترور تشکیلاتی وای پی جی/پی کا کا نینگ باشلیق لری دن بیری بولگن "مظلوم کوبانی" لقبی گه ایگه ترورچی فرهاد عبدی شاهین نینگ قیلگن قیرغین فعالیت لری دن نمونه لر گه اورین اجره تیلگن لیگی نی معلوم قیلماقده. 

حریت روزنامه سی, امریکا گه قیلگن سفری جریانیده, تورکیه جمهوریتی جمهوررئیسی رجب طیب اردوغان گه "سیز گه امریکا قوشمه ایالت لری می یاکه روسیه می دشمن؟" شکلیده بیر سئوال بیریلگن لیگی نی یازماقده. 

خبرده, اردوغان نینگ اوشبو سئوال گه, "مین دشمن تاپیش گه طرفدار ایمس من" دییه جواب قیترگن لیگی بیلدیریلماقده. 

روزنامه, "هم امریکا و همده روسیه نینگ مینینگ دوستیم بولیشی نی ایستیمن" دییه قید ایتگن جمهوررئیس اردوغان نینگ, "بیز اوشبو جهت ده سعی و حرکت قیلماقده میز.  خوددی شوو هدف دایره سیده قدم تشله ماقده میز.  بیر تاماندن ایککی تامانلمه منفعت دن بحث ایته سن, باشقه بیر تاماندن ایسه 'او می دشمن یاکه مین می دشمن' دیب سئوال بیره سن.  بونده ی بیر نرسه نینگ بولیشی ممکن ایمس.  ایندی بونده ی بیر سیاست دوری اداققه ییتدی" دییه قید ایتگن لیگی گه دقت قره تماقده. 

صباح روزنامه سی, تورکیه نینگ آغری ولایتی نینگ دوغوبایزید تومنیده اورین آلگن لیگی روایت قیلینیاتگن نوح نینگ کیمه سی بیلن علاقه لی بیرینچی مرته 3 بُعدلی بیر تصویر آلیش نینگ بحث موضوعی بولگن لیگی نی یازماقده. 

خبرده, نیوزیلند لیک جیوفزیکچی جان لارسن بیلن امریکا لیک کمپیوتر ساینس انجنیری و آرکیولوژیست اندریو جانس تامانیدن بیرینچی مرته 3 بُعدلی شکلده تصویری آلینگن لیگی نینگ, عصر لر دن بیری حقیقتی باره سیده باش قاتیریلیاتگن نوح نینگ کیمه سی توغریسیده یخشی بیر علمی تحقیقات دن عبارت بولگن لیگی بیلدیریلماقده.