تورکیه مطبوعاتیدن خلاصه لر 14.11.2019

حریت روزنامه سی, تورکیه جمهوریتی جمهوررئیسی رجب طیب اردوغان نینگ, امریکا قوشمه ایالتلری گه قیلگن رسمی سفری جریانیده بیرگن بیانات لریده, بولووچی ترور تشکیلاتی پی کا کا و اونینگ سوریه ده گی قسمی دن عبارت وای پی جی بیلن کُرد لر نی چلکشتیرمسلیک کیره ک ایکن لیگی نی بیلدیرگن لیگی نی معلوم قیلماقده. 

خبرده, اردوغان نینگ, "بیز نینگ کُرد لر بیلن هیچ قنده ی بیر معمامیز یوق. بیزنینگ ترور تشکیلات لری بیلن مشکلی میز بار.  بولر, ترور تشکیلاتی پی کا کا نینگ بیر بولگی بولگن وای پی جی/پی وای دی دن عبارت.  ترورچی لر گه قرشی کوره ش مسلیگینگیز تقدیرده, ایرته گه کتته معما گه دوچ کیلیب قاله سیز" دییه قید ایتگن لیگی ایسله تیلماقده. 

صباح روزنامه سی, جمهوررئیس اردوغان نینگ امریکا قوشمه ایالتلری گه قیلگن رسمی سفری دایره سیده بیرگن بیانات لریده, سوریه ده گی امن منطقه بیلن علاقه لی, "6 آی الی 2 ییل مابینیده, امن منطقه گه 1 میلیون مهاجر نی جایلشتیریشی میز ممکن.  ینه بیر میلیون مهاجر نینگ الرقه بیلن دیرالزور گه جایلشتیریشی میز بوییچه امکانیت موجود" دییه قید ایتگن لیگی نی بیلدیرماقده. 

خبرده, اوروپا دن بیز گه کیلگن مقدار افسوس که فقط گینه 3 میلیارد یورو دن عبارت" دییه قید ایتگن جمهوررئیس اردوغان نینگ, تورکیه نینگ سوریه لیک مهاجر لر اوچون 40 میلیارد دالر پول مصرف قیلگن لیگی نی بیلدیرگن لیگی معلوم قیلینماقده. 

روزنامه, امریکا قوشمه ایالت لری دولت رهبری دونالد ترامپ نینگ ایسه, تورکیه نینگ 4 میلیون مهاجر گه میزبانلیک قیلگن لیگی نی بیلدیررایکن, ایندی اوروپا نینگ مهاجر لر خصوصیده اوز مسئولیت لری نی بجا کیتیریشی کیره ک ایکن لیگی نی معلوم قیلگن لیگی نی یازماقده. 

ستار روزنامه سی, تورکیه نینگ تینچلیک چشمه سی عملیاتی بیلن ترور تشکیلاتی پی کاکا/وای پی جی دن تصفیه ایتیلگن سوریه نینگ راس العین شهری ده ساغلیق, ایچیله دیگن سوو و باشقه ساحه لر بوییچه خدمت لرنینگ باشله گن لیگی نی ایسلتماقده. 

خبرده, اوشبو شهر نی کوریب چیققن تورکیه نینگ شانلی اورفا والی سی عبدالله اَرین نینگ, اهالی گه اوشبو ساحه لر بوییچه خدمت لرنینگ ییتیشتیریلیب بیریلیشی اوچون تورک مسئول لر بیلن سوریه لیک لرنینگ هم همکارلیک قیلیاتگن لیگی نی بیلدیرگن لیگی معلوم قیلینماقده. 

خبرتورک روزنامه سی, بورس استانبول نینگ عمومی رئیسی محمد خاقان آتیلا نینگ, "مالی سیستم ده اوز پولی میز نینگ میزانی نینگ آرتیریلیشی اوچون مهم قدم لر تشله دیک" دییه قید ایتگن لیگی نی یازماقده. 

ینی شفق روزنامه سی, تایوان تشقی تجارت نی رواجلنتیریش کینگشی نینگ باشلیغی والتر یاه نینگ, تایوان نینگ تورکیه ده گی سرمایه گذارلیک میزانی نینگ آرتیب کیتگن لیگی نی بیلدیررایکن, "تایوان نینگ اینگ کتته فولاد شرکت لری دن بیری, کوجه ایلی ده 100 میلیون دالرلیک فولاد فابریکه سی اوچون سرمایه گذارلیککه باشله یدی" دییه قید ایتگن لیگی نی معلوم قیلماقده.