تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: مصطفی کمال آته تورک اوچون ساعت 9:5 ده حیات توخته لیب قالدی.
تورکيه جمهوریتی نینگ اساسچیسی غازي مصطفی کمال آتهتورک نینگ وفاتی نینگ 81- ییللیگی یادگه آلیندی. مملکت بویلب مراسملر بیلن یادگه آلیندی. پایتخت انقرهدهگی رسمي مراسملرنینگ بیرینچی آدرسی انیت قبر ایدی. آتهتورک وفات ایتگن استانبولدهگی دولمه باغچه سرایی، ایرته تانگدن باشلب زیارتچیلر کیله باشلهدی. مملکتده وطنداشلر، بویوک یولباشچی آتهتورک نینگ وفات ایتگن ساعت 09.05ده زنگلر چلیندی حرمت بجا کیلتیریلدی و سکوت قیلیندی. یوللرده ترانسپورت آقیمی توختهدی، هیداوچیلر اوزلری نینگ ترانسپورتلریده حرمت بجا کیلتیردی.
وطن روزنامه سی: "دولت باشلیغی ایردوغان: بیز اولکهمیزنی دنیا نینگ اینگ یوقاری لیگی گه آلیب چیقیشگه قرار قیلدیک" دیدی.
دولت باشلیغی رجب طیب ایردوغان، توناون تورکيه جمهوریتی نینگ اساسچیسی غازي مصطفی کمال آتهتورک نینگ وفاتی نینگ 81- ییللیگی مناسبتی بیلن آتهتورک مدنیت تیل و تاریخ عالي تشکیلاتی تامانیدن اویوشتیریلگن یادگه آلیش مراسمیده بیاناتلر بیردی.
ایردوغان، "بیز مملکتیمیزنی 2023 ییلیده دنیا عالي لیگی مقصدلریگه ایریشیشگه قرار قیلدیک. آتهتورک نی توشونیش و ایسلش عمل بیلن بولهدی "دیدی.
یینی شفق روزنامه سی: "فواد اوکتای : قزاقستان بیلن سودا حجمینی 10 میلیارد دالرگه کوپهیتیرهمیز" دیدی.
قزاقستان بیزنس پروگرامیگه اشتراک ایتگن جمهور رئیس اورینباسری فواد اوکتهی 2018 ییلده قزاقستان بیلن ایکّی تامانلمه سودا حجمی 18 فایزگه آشگنینی تأکیدلب، "بیز قزاقستان بیلن سودا حجمینی 10 میلیارد دالرگچه آشیرهمیز" دیدی.
خبر تورک روزنامه سی: "استانبول قونلغه لریدن 88 میلیون یولاوچی اوچیب اوتدی"
جاري ییل نینگ جنوری-اکتوبر آیلریده آتهتورک، استانبول و صبیحه گوکچین خلقارا قونلغه لریدن 590 مینگ 556 ته ایچکی و خلقارا پروازلر عملگه آشیریلدی. 10 آیلیک دور ایچیده استانبولدهگی برچه قونلغه لردن 87 میلیون 638 مینگ 38 یولاوچی سیاحت قیلدی.
حریت روزنامه سی: "قوش آداسیگه کرویز بیلن 2 مینگ 657 توریست کیلدی"
آیدین نینگ قوش آداسی تومنیگه یقینلشگن بهاما بیراقلی کرویز کیمهلری نینگ کوپچیلیگی امریکالیک 2 مینگ 657 سیاح، توریزم نی جانلنتیردی.
توناون ایرتهلب اژه بندریگه لنگر تشلهگن Norwegian Jade آتیده گی کرویز یولاوچیلریدن بیر قِسمی ایفیس انتیک شهری و مریم آنه توریگه اشتراک ایتیش اوچون اتوبوسلری بیلن پورتنی ترک ایتیشدی.