تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق روزنامه سی: ایردوغان نینگ ترامپگه جوابی: تروریزمنی مغلوب قیلگنده ینه کوپ آدملر نینگ حیاتینی قوتقرهدی.
دولت باشلیغی رجب طیب ایردوغان، امریکا قوشمه ایالتلری دولت باشلیغیی دانلد ترامپ نینگ تیویتیگه جواب بیردی.
ایردوغان نینگ جوابی "جناب دولت باشلیغی، انسانیت نینگ دشمنی بولگن تروریزم نینگ مغلوب بولیشی، ینه کوپلب انسان نینگ حیاتی سهقلنیب قالهدی. بو مشترک حرکت منطقهمیزدهگی تینچلیک و برقرارلیکنی قوللب-قوّتلهیدی" دیدی. ترامپ، توناون دولت باشلیغی ایردوغان و امریکا قوشمه ایالتلری جمهور رئیس اورینباسری مایک پنس اوچرهشوولری نینگ آرتیدن اجتماعي ترماق تویتردن « تورکيهدن یخشی خبرلر بار، رحمت دولت باشلیغی ایردوغان. یاردملرینگیز بیلن میلیونلب آدم نینگ حیاتی سهقلنیب قالهدی « دیب یازگن ایدی.
وطن روزنامه سی: "وزیر چاووش اوغلی: عملیاتگه تنفس بیرهمیز"
تشقی ایشلر وزیری مولود چاووش اوغلی، توناون امریکا قوشمه ایالتلری هیئتی بیلن بولیب اوتگن کریتیک اوچرهشوودن کیین بیانات بیردی. ییغیلیشگه تیگیشلی، بوگون مذاکرهلرده جناب دولت باشلیغیمیز کوچلی رهبریتی نتیجهسیده خواهلهگنیمیزنی آلدیک. ترور تشکیلاتی وای پی جی نینگ قوراللرینی ییغیش موضوعسیده کیلیشیب آلدیک. 120 ساعت عملیاتگه تنفس بیرهمیز. بو بیر آتشکیسین ایمس، آتشکیسین 2 مشروع تامان اورتهسیده بولهدی. وای پی جی عنصرلری چیقیب کیتگندن سونگ عملیاتنی توخته ته میز» دییه قید ایتدی.
حریت روزنامه سی: ملي مدافعه وزیری آقر نینگ بیاناتی »
توناون ملي مدافعه وزیری خلوصی آقر، " ترور تشکیلاتی جنایتنی قوراللی کوچلریمیزگه تشلش اوچون کیمیاوي قورال ایشلهتهدی دیگن تبلیغلرگه قول اوریش معلوماتلری ییتیب کیلدی" دیدی. وزیر آقر، " تورکیه قوراللی کوچلری نینگ قورال چوکاتیده کیمیاوي قورال موجود بولمهگنی همهگه معلوم بولگن بیر حقیقتدیر» دیب قید ایتدی.
ستار روزنامه سی: "روسیه و تورکيه اورتهسیده مهم مذاکرهلرده: کیلیشووگه باریلدی "
دولت باشلیغی سوزچیسی ابراهیم قلین، توناون روسیه فدراسیونی سوريه مخصوص وکیلی الیکسندر لورینتییف و اونینگ هیئتی بیلن اوچرهشدی. قلین-لورینتییف اوچرهشوویده ترور تشکیلاتلری تامانیدن سوريه نینگ توپراق بوتونلیگی اوچون قیلینهدیگن تهدید نینگ آلدینی آلیش بارهسیده کیلیشیب آلدیلر.
صباح روزنامه سی: ترور تشکیلاتی نینگ قیش تشکیلاتلنیشیگه کتّه ضربه اوریلدی
بولووچی ترور تشکیلاتی پی کاکاگه قرشی کوز-قیش عملیاتلری نتیجهسیده 118 نفر تروریست یوق قیلیندی دییه بیلدیردی ایچکی ایشلر وزیرلیگی، عملیاتلرده ترورچیلر تامانیدن ایشلهتیلگن کوپ سانده غار، و باشپناهلر یوق قیلیندی.