تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق روزنامه سی: «اینگ اوزاق دوام ایتگن جلسه» سرلوحهسی بیلن بیرگن خبرگه کوره، تورکيه دولت باشلیغی رجب طیب ایردوغان، روسیه دولت باشلیغی ولادیمیر پوتین و ایران دولت باشلیغی حسن روحاني انقرهده ادلیب و سوريه نینگ تقدیرینی محاکمه قیلدی. جلسه توناون ساعت 11:30ده باشلنگن اوزارا و اوچ تامانلی مذاکرهلر بیلن ساعت 21:00گچه دوام ایتدی. ییتکچیلر سوريهده وضعیتنی برقرارلشتیریش یولیده سیاسي ییچیم ایشلب چیقیشگه کیلیشیب آلدی.
صباح روزنامه سی: «جمهور رئیس لیگیدن ارمنستانگه اعتراض» سرلوحهسی بیلن بیرگن خبرده یازیلیشیچه، تورکيه دولت باشلیغی نینگ اورینباسری فواد اوکتای آذربایجان پایتختی باکوده بولیب اوتگن آذربایجان-تورکيه تجارت ییغینیده معروضه قیلدی. فواد اوکتای اوز معروضهسیده آذربایجان حدودلری نینگ تخمیناً بیشدن بیر قِسمینی قمرهب آلگن ارمنستان اشغالیگه برهم بیریش اوچون آذربایجان بیلن یقین همکارلیکده ایش آلیب باریلهیاتگنلیگینی معلوم قیلدی. «یوقاری قارهباغ معماسینی آذربایجان نینگ حدودي بیرلیگی دایرهسیده و خلقارا تشکیلاتلرنینگ قرارلریگه موافق برطرف ایتگن حالده، جبرلنگن 1 میلیوندن آرتیق خلقنی اوز آنه وطنیگه قَیتریش اینگ کتّه آرزوییمیزدیر»،-دیب ایتگن.
خبر تورک روزنامه سی: «تیکنافیست دنیا نینگ اینگ ییریک هوا فستیوالیگه ایلندی» سرلوحهسی بیلن بیرگن خبرده یازیلیشیچه، اوتگن ییلی استانبول قونلغه سیده اوتکزیلگن تیکنافیست بو ییل آتهتورک خلقارا قونلغه سیده تشکیل ایتیلماقده. اوتگن ییلگی فستیوالگه 200 مینگدن آرتیق تماشابین اشتراک ایتگن بولسه، بو ییل فستیوالگه 500 مینگ کیشی نینگ تشریف بویوریشی کوتیلماقده. تورکيه نینگ اینگ ییریک تکنالوژيلر فستیوالی تیکنافیست 17-22 سپتامبر کونلری آتهتورک خلقارا قونلغه سیده اوز مخلصلرینی کوتیب قالهدی.
حریت روزنامه سی: «20 ییل نینگ اینگ یوقاری ریکاردی» سرلوحهسی بیلن بیرگن خبرگه کوره، تورکيه انرژی و طبيعي منبعلر وزیری فاتح دونمز: «ملي کمپنیمیز تورکيه نفت-گاز سهامی شرکتی یورت ایچیده نفت ایشلب چیقریشده کوندهلیک 50 مینگ واریلدن آشیب، آخرگی 20 ییل نینگ اینگ یوقاری نتیجهسیگه ایریشدی»،-دیدی. 2018- ییلی کوندهلیک نفت ایشلب چیقریش حجمی 42 مینگ 330 واریلنی تشکیل قیلردی.