تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه‌سی::«وزیر آقردن خوفسیز حدود بیاناتی» سرلوحه‌سی بیلن بیرگن خبرده یازیلیشیچه، 2019-2020 ینگی حربي تعلیم ییلی نینگ آچیلیش مراسمیده اشتراک ایتگن تورکيه ملي مدافعه وزیری خلوصی آقر امریکا قوشمه ایالتلری بیلن آلیب باریله‌یاتگن سوريه‌ده خوفسیز حدود تشکیل قیلیش بوییچه فعالیتلرگه توخته‌لدی. «بیزگه بیریلگن وعده‌لر نینگ بجریلیشینی کوتیه‌بمیز. وعده‌لر بجریلمسه، تورکيه قوراللی کوچلریمیز و تورکيه جمهوریتی نینگ باشقه ریجه‌لری بار. اولرنی اجرا ایتیشگه تیارمیز»،-دیب ایتگن .
وطن روزنامه‌سی:«وزیر آلبیراقدن انفلاسیون محاکمه‌سی» سرلوحه‌سی بیلن بیرگن خبرده یازیلیشیچه، تورکيه خزینه و مالیه وزیری برا‌ت آلبیراق اگست آییده انفلاسیون‌ده کتّه په‌سه‌ییش کوزه‌تیلگنلیگینی بیلدیردی. «ایشلب چیقرووچی نرخ ایندیکسیده‌گی په‌سه‌ییش انفلاسیون‌ده قویی یونه‌لیشنی دوام ایتتیرماقده. انفلاسیون‌گه قرشی کوره‌ش و رواجلنیش یولیده‌گی اوستوار سیاستیمیز بیلن ییل یکونیگچه برچه مقصدلریمیزگه ایریشه‌میز»،-دیب ایتگن.
حریت روزنامه‌سی: «THYدن بیلیت کمپاینی» سرلوحه‌سی بیلن بیرگن خبرده یازیلیشیچه، THY استه‌نبول قونلغه سیدن انگلستان، ایرلند، روسیه، ناروی، سویس، دنمار، فینلند، لیتونیا، لیتوانيه و ایستونيه‌ده‌گی 26 یونه‌لیشگه باریش-کیلیش 164 دالردن اوچیش امکانیتینی بیرماقده. چیکلنگن سانده تکت‌لر اوچون تخفیفلردن فایده‌لنماقچی بولگنلر شو ییل نینگ 3-13 سپتامبر کونلری آره‌سیده تکت خرید قیلگن تقدیرده، 2019 ییل 3 سپتامبردن-2020 ییل 20 می آره‌لیغیده سیاحتینی عملگه آشیریشی ممکن.
خبر تورک روزنامه‌سی: «قوش آداسیگه 3 ته کرویز کیمه‌ده 4230 نفر سیاح کیلدی» سرلوحه‌سی بیلن بیرگن خبرده یازیلیشیچه،تورکيه‌ده توریزم مرکزیگه ایلنگن آیدین ولایتی قوش آداسی تومنیگه توناون 3 ته کرویز کیمه‌سی کیلیب توخته‌دی و کیمه‌لرده 4230 نفر امریکالیک سیاح کیلدی. "مریلله دیسکاویری 2" کیمه‌سیده 1850 سیاح، "کیلیستیه‌ل اولیمپیه" کیمه‌سیده 1674 سیاح و "Seven Seas Voyager" کیمه‌سیده ایسه، 706 سیاح قوش آداسی نینگ ایگیی پورتیگه کیلیب توشدی. اکثریتی امریکالیک بولگن سیاحلر اولکن حشمتلی کرویز کیمه‌لردن توشیب، اتوبوسلرده «ایفیس» انتیک شهری و «مریم آنه» کلیسالریگه سیاحتگه چیقدی. بعضیلری قوش آداسی مرکزینی تماشا قیلدی، او ییرده‌گی دوکانلردن تورلی-تومن ساوغه‌لر خرید قیلدی.
