تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه‌سی: دولت باشلیغی ایردوغا‌ن، انسان حقلری بوییچه مخصوص ریجه تیارله‌گنلیکلرینی قید ایتدی.
دولت باشلیغی ایردوغا‌ن توناون انقره نینگ یینی محله تومنیگه قره‌شلی بیش تیپه محله‌سیده ا‌ورین آلگن خلق کنگره سی و مدنیت مرکزیده اویوشتیریلگن و 2019-2020 ینگی سود ییلی نینگ آچیلیشیگه بغیشلنگن مراسمده سوزله‌گن نطقیده، حق-حقوق و ایرکینلیکلرنینگ حمایه قیلینیشی اوچون کینگ کولملی، انسان حقلری بوییچه مخصوص ریجه تیارله‌گنلیکلرینی قید ایتدی.
یینی شفق روزنامه‌سی: تورکیه قوراللی کوچلری و ملی استخبارات تشکیلاتی تامانیدن مشترک عملیات اویوشتیریلدی.
تورک قوراللی کوچلری و ملي استخبارات تشکیلاتی تامانیدن بیرگه‌لیکده توناون عراق نینگ شِمالیده‌گی ها‌کورک تومنیده پی کاکا ترور تشکیلاتی نینگ اعضاسی ایکنلیگی انیقلنگن 5 تروریست، هوا عملیاتی آرقه‌لی تاثیرسیز وضعیت گه کیلتیریلدی.
حریت روزنامه‌سی: امینه ایردوغا‌ن سَلده کولینی ایلنیب چیقدی.
دولت باشلیغی رجب طیب ایردوغا‌ن نینگ تورموشی امینه ایردوغا‌ن توناون اطراف-محیط و شهرسازلیک وزیری مراد کوروم بیلن مملکت نینگ بوردور ولایتیده‌گی آق قوملی پلیاژلری و فیروزه رنگی طفیلی «تورکيه نینگ ما‌لدیف آراللری» دیگن نام بیلن هم تنیلگن سَلده کولیگه سیاحت قیلیب، فعالیتلر حقیده معلومات آلدی.
ستار روزنامه‌سی: آق سراینی هم، واتیکان هم تورک مرمری بیلن بیزه‌لماقده.
استانبولده‌گی کاندن ایشلب چیقریلگن محصولاتلرنی صادر قیلووچیلر اویوشمه‌سی رئیسی آیدین دینچیر، دنیا مقیاسیده طبيعي تاشلر ترماغیده تورکيه نینگ اینگ مهم ییرلریدن بیری ایکنلیگینی قید ایتدی. صفتی جهتیدن دنیا نینگ اینگ مهم مرکزلریده تورک طبيعي تاشلریدن فایده‌لنیلگنلیگینی افاده ایتگن دینچیر، «امریکاده آق سرای، واتیکانده‌گی سن پییترا کلیساسی، آوسترا‌ليا‌ده‌گی دیسنیلند بولردن بعضیلری خلاص» دیدی.
خبر تورک روزنامه‌سی: نوبتده‌گی 26- خلق‌ارا اسپینداس اوپیرا و بالیت فستیوالی کارمین بیلن باشله‌دی.
تورکيه نینگ انتا‌ليا شهریده شو بیلن ییگیرمه آلتینچیسی اویوشتیریلگن اسپینداس اوپیرا و بالیت فستیوالی نینگ آچیلیش مراسمی، فرانسیز قوشیق ساز گیارگیس بیزیت نینگ «کارمین» دیب ناملنگن اوپیرا اثری آرقه‌لی باشله‌دی. فستیوال دایره‌سیده 8-سپتامبر کونی اسپینداس صحنه‌سی، وین دولت اوپیرا و بالیت اویوشمه‌سی صنعتکارلری تامانیدن اجرا ایتیله‌دیگن چه‌یکاوسکي نینگ سِحرلی "آق‌قوش کولی" اثریگه میزبانلیک قیله‌دی.12-13 سپتامبر کونلری انتا‌ليا دولت اوپیرا‌سی و بالیتی تامانیدن «آیده» اوپیرا‌سی اسپینداسده، قدیمی مصر سیماسینی یره‌ته‌دی. «ترویه» اوپیرا اثری ایسه 16-سپتامبر کونی «ایکسپوده اجرا ایتیله‌دی.
