تورکیه مطبوعاتیدن خلاصه لر 31.05.1398

حریت روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ توناوکون بولیب اوتگن کابینه ییغیلیشی آرتیدن بیانات بیرگن لیگی نی یازماقده.

خبرده, سوریه نینگ ادلب ولایتیده تورکیه قوراللی کوچ لری قطاری گه قره ته اویوشتیریلگن هجوم حقیده گپیرگن قلین نینگ, "عکس العملی میز نی روسیه تامانی گه بیلدیردیک.  بیر نیچه کون کیین جمهوررئیسی میز رجب طیب اردوغان, روسیه جمهوررئیسی ولادیمیر پوتین بیلن تلفن آرقه لی اوچره شه دی" دییه قید ایتگن لیگی بیلدیریلماقده. 

روزنامه, سوزچی نینگ, "امریکا قوشمه ایالت لری دولت رهبری دونالد ترامپ بیلن هم تلفنی بیر صحبت اوچون تیارگرلیک اوتکزماقده میز" دییه قید ایتگن لیگی نی معلوم قیلماقده. 

خبرتورک روزنامه سی, تورکیه جمهوریتی ملی مدافعه وزیری خلوصی آقر نینگ, امریکا لیک کسبداشی مارک ایسپر بیلن تلفن آرقه لی اوچره شگن لیگی نی یازماقده. 

خبرده, اوشبو اوچره شوو دایره سیده آقر نینگ سوریه ده فرات دریاسی نینگ شرقیده قوریلیشی ریجه لنگن امنیت منطقه نینگ انیقلنگن تاریخده موجود پلان دایره سیده وقت اوتمسدن قوریلیشی کیره ک ایکن لیگی نی بیلدیرگن لیگی معلوم قیلینماقده. 

روزنامه, شونده ی قیلیب امنیت منطقه نینگ قوریلیشی بیلن علاقه لی پلان نینگ بیرینچی باسقیچی نینگ توناوکون باشله گن لیگی نی بیلدیرماقده. 

ستار روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, تورک سرمایه دار لر گه عاید آلمان ده گی آکویلا هواچیلیک شرکتی نینگ تورکیه ده طیاره ایشلب چیقاریش فابریکه سی قوریش نی ریجه لیاتگن لیگی نی بیلدیرگن لیگی گه دقت قره تماقده. 

خبرده, وارانک نینگ, "تورک سرمایه دار لرنینگ دنیا نینگ هر جاییده سرمایه گذارلیک قیلیش لری و شونده ی قیلیب تورکیه نینگ رواجله نیشی گه حصه قوشیشی کتته اهمیت گه ایگه" دییه قید ایتگن لیگی بیلدیریلماقده. 

روزنامه, آکویلا طیاره فابریکه سیده ایشلب چیقاریله دیگن ایککی کیشیلیک تعلیمی طیاره لرنینگ, جاری ییلده آلمان ده دیزاین ساورینی گه ایگه بولگن لیگی نی معلوم قیلماقده. 

ینی شفق روزنامه سی, اوتگن ییل نینگ خوددی شوو دوری بیلن سالشتیریلگنده تورکیه گه کیلگن توریست لرنینگ جاری ییل نینگ دستلبکی 7 آییده قیلگن خرید میزانی نینگ تقریباً 70 فایز گه آرتیب کیتگن لیگی نی بیلدیرماقده. 

خبرده, اینگ کوپ قطر, بیرلشگن عرب امیرلیک لری و آلمان دن کیلگن توریست لرنینگ تورکیه ده خرید قیلگن لیک لری معلوم قیلینماقده. 

وطن روزنامه سی, چین نینگ انقره ایلچیسی دینگ لی نینگ, تورکیه بیلن چین اورته سیده گی مرمر تجارتی توغریسیده گپیررایکن, اوتگن ییلده تورکیه دن چین گه 5 میلیون تُن مرمر صادر قیلینگن لیگی نی بیلدیرگن لیگی نی ایسلتماقده. 

خبرده, تورکیه نینگ مرمر صادراتی نینگ 50 فایزی نی چین گه قیلیاتگن لیگی نی بیلدیرگن ایلچی نینگ, اوشبو جهت دن آلیب قره گنده تورکیه بیلن چین اورته سیده جوده یخشی تجاری مناسبت نینگ موجود ایکن لیگی نی معلوم قیلگن لیگی ایسله تیلماقده.