تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: ترور تشکیلاتی پی کاکاگه قرشی قیران عملیاتی»
توناون حقاری، شیرناق و وانده ترور تشکیلاتی پی کاکاگه قرشی ژاندارم، خوفسیزلیک کوچلری و امنیتی منسوبلری نینگ اشتراکی بیلن "قیران عملیاتی" نامیده بیر عملیات باشلهدی. عملیاتنی ژاندارم قوماندانی عارف چیتین باشقرهدی.
ستار روزنامه سی: "تورکيه -روسیه-آذربایجان انرژی و ترانسپورت ساحهسیدهگی همکارلیک پروگرامی بولیب اوتهدی"
انقرهده 21 اگست (ایرتهگه) انقره روسیه علمي-تدقیقات انستیتوتی (روسین) تامانیدن تورکيه-روسیه-آذربایجان انرژی و ترانسپورت همکارلیک پروگرامی اویوشتیریلهدی. پروگرامده قفقازیا و مرکزي آسیاگه تأثیر کورسهتهدیگن همکارلیک نینگ ینگی امکانیتلری اوستیده بحث قیلینهدی و اوچ مملکت متخصصلری اوزارا فکر المشهدیلر و معمالرگه ییچیم تکلیف قیلهدیلر.
حریت روزنامه سی: ترابزونگه محلي و چیت ایلدن کیلگن سیاحلر سانی 5 برار کوپهیدی!
سونگگی 17 ییل ایچیده ترابزونده محلي، 14 میلیون 318 مینگ 934، چیت ایلّیک 3 میلیون 200 مینگ 625، توپلم 17 میلیون 546 مینگ 575 کیشی تشریف بویوردی، 17 ییل ایچیده کیلگنلر سانی قریب 5 برابر. 2002 ییلده محلي و خارجي ترابزونگه توپلم 353 مینگ کیشی تشریف بویورگن بولسه، 2018 ییلده 5 برابر آرتیب 1 میلیون 766 مینگگه ییتدی. جاري ییل نینگ 7 آیی دوامیده ترابزونگه 626 مینگ محلي و خارجي سیاح تشریف بویوردی.
صباح روزنامه سی: تورک هوا یوللریدن بیرهم دوامیده 2،4 میلیون کیشی فایدهلندی "
تورک هوا یوللریدن (THY) قربان هییت بیرهمیده توپلم 2 میلیون 380 مینگ یولاوچی فایدهلنگن. بیرهم دَم آلیش کونلریده دنیا نینگ 125 مملکتیگه جمله 15 مینگ 269 ته پرواز اویوشتیردی و پروازلرده تولهلیک نسبتی 85،83 فایزنی تشکیل ایتدی.
یینی شفق روزنامه سی: "تورکيه نینگ جهانده مطرح بولگن 4 محصولاتی "
تورکيه، دنیاده فیندیق ایشلب چیقریشده 67 فایز، گلاسده 26 فایز، انجیرده 27 فایز و زردالیده ایسه 23 فایزنی اوزی یالغیز ایشلب چیقرماقده . عموماً آلگنده، اوشبو محصولاتلر نینگ صادرات درآمدلری قریب 2،2 میلیارد دالرنی تشکیل ایتدی.