تورکیه مطبوعاتیدن خلاصه لر 31.03.1398

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, توناوکون تورکیه نینگ استانبول شهریده چیت ایللیک ژورنالست لرنینگ سئوال لری گه جواب قیترگن لیگی نی بیلدیرماقده. 

خبرده, اردوغان نینگ, "تورکیه و روسیه جهتی دن اس 400 موضوعی تکمیل بولگن وضعیتده.  کیله جک آیده تورکیه گه تاپشیریله دی.  امریکا قوشمه ایالتلری نینگ هیچ قنده ی بیر تحریم نی بحث موضوعی قیله دیگن لیگی نی اویله میمن" دییه قید ایتگن لیگی ایسله تیلماقده. 

حریت روزنامه سی, تورکیه بیلن عراق اورته سیده گی اقتصادی ییغیلیش گه اشتراک قیلیش و ایریم اوچره شوو لر اوتکزیش اوچون توناوکون عراق پایتختی بغداد گه تشریف بویورگن تورکیه جمهوریتی تجارت وزیری رخسار پیکجان نینگ, عراق جمهوررئیسی برهم صالح و باش وزیر عادل عبدالمهدی بیلن اوچره شگن لیگی نی معلوم قیلماقده. 

خبرده, اوشبو اوچره شوو لر جریانیده ایککی اولکه جمهوررئیس لری تامانیدن مطرح قیلینگن تجارت حجمی نینگ 20 میلیارد دالر گه آرتیریلیشی هدفی توغریسیده بحث قیلینگن لیگی بیلدیریلماقده.

صباح روزنامه سی, شرقی آقدینگیزده پطرول و طبیعی گاز قیدیریش ایش لری نی عملگه آشیره دیگن "یاووز" نامیده گی کیمه نینگ توناوکون آقدینگیز گه حرکت قیلگن لیگی نی یازماقده. 

خبرده, یاووز کیمه سی نینگ آقدینگیز گه جونه تیلیشی بیلن علاقه لی بولیب اوتگن مراسمده معروضه قیلگن انرژی وزیری فاتح دونمَز نینگ, "اوزی میز و شمالی قبرس تورک جمهوریتی نینگ حقی نی مدافعه قیله میز.  هیچ بیر تامان نینگ تورکیه نی توسیب قویشی ممکن ایمس" دییه قید ایتگن لیگی معلوم قیلینماقده. 

ستار روزنامه سی, تورکیه نینگ راکتسان شرکتی نینگ, بیرینچی مرته فرانسه ده کیچیک ستلایت نی آتیش سیستمی نی پاریس هواچیلیک کورگزمه سیده نمایش ایتگن لیگی نی یازماقده.