تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: 2018 – ییلی تورکیه دن 2 میلیاغرد 325 میلیون دالرلیک میوه سبزه صادر قیلیندی
تورکیه اوتگن ییلی توکیش کارگو آرقه لی 18 میلیون 58 مینگ دالرلیک تازه میوه و سبزه جات صادرات عملگه آشیردی. اوتگن ییلی هوا کارگو آرقه لی عملگه آشیریلگن 6 مینگ 6 91 تُن میوه سبزه جات صادراتیدن اوتگن ییل گه کوره، 71 فایز کوپه یدی. هوا کارگو آرقه لی اینگ کوپ 3 میلیون 202 مینگ دالر بیلن هانگ کانگ گه صادر قیلیندی. 2 میلیون 229 مینگ دالر بیلن ناروی ایککینچی 1 میلیون 344 مینگ دالر بیلن سینگاپور اوچونچی اورینده توردی.
یینی شفق روزنامه سی: انتالیا‌ده سیاح سانی ریکارد سویه‌ده دیب بیرگن خبرده؛
انتالیا والیسی منیر کره‌ل اوغلی، انته‌لیگه کونده‌لیک کیلگن سیاح سانی ینگی بیر ریکارد اورنه‌تدی دیدی. والی کره ل اوغلی اجتماعي ترماقده « تبریکلر انتالیا. کونده‌لیک یولاوچی کیریشی ینه ریکارد سانده ایدی. 2019- ییلی 8- جونده کیلگن یولاوچی سانی 85 مینگ 205. 2018- ییلگه نسبتاً جاري ییل آیلیک 17 فایز آرتیش بیلن 570 مینگ 422 کیشی، ییللیک نسبتده 18 فایز آرتیش بیلن 3 میلیون 870 مینگ 211 کیشی انتالیا‌میزگه تشریف بویوردی دیب قید ایتدی.
حریت روزنامه سی: "بیرینچی چارکده اژه حدودی 1،8 میلیارد دالرلیک تشقی سودا آرتیقچه‌سی بیردی"
2019- ییل نینگ بیرینچی چاره‌گیده اژه حدودیگه 3 میلیارد 117 میلیون دالرلیک محصولات وارد قیلینگن، 4 میلیارد 908 میلیون دالر محصولات نینگ صادراتی عملگه آشیریلگن. اژه حدودی نینگ بیرینچی چاره‌گیده تشقی سودا اورته‌چه‌سی تخمیناً 1،8 میلیارد دالر، صادرات نینگ وارداتگه نسبتی ایسه 157 فایزگه کوتریلدی.
ستار روزنامه سی: مکمل لیک مکافاتینی آلدی، سیاح سانی کوپه‌یدی دیب یازگن خبریده؛
بیتلیس ولایتی نینگ تاتوان تومنیده دنیا نینگ ایکّینچی، تورکيه نینگ اینگ ییریک نمروت کراتیر کولیده بیر‌م تعطیلی نینگ سونگی کونی زیارتچی سانی ریکارد سویه‌ده ایدی. اروپا تنلنگن یونه‌لیشلر پروژه سی (EDEN) دایره‌سیده مکمل لیک مکافاتی آلگن 2 مینگ 250 بلندلیکده‌گی کولی، عجایب منظره‌سی بیلن مهمانلرنی حیران قالدیردی. نمروتگه کیلگن سیاحلر، طبيعي گوزللیگی بیلن بیر قطارده ایسّیق و ساووق کوللری، موز غاری، بخار دود کشی بیلن دقّتلرنی اوزیگه قره‌تگن منطقه نینگ گوزللیکنی کشف ایته‌دی.
صباح روزنامه سی: مسعود اوزیل خیر-خیراتلر بیلن قلبلرنی فتح ایتدی
تنیقلی فوتبالچی مسعود اوزیل، خیر-خیراتلر بیلن قلبلرنی فتح ایتدی. تنیقلی فوتبالچی تورک قیزیل یریم آی جمعیتی واسطه‌سی بیلن تورکيه و سوريه‌ده‌گی آشخانه آرقه‌لی 16 مینگ یتیم و محتاجگه آزیق- طعام بیردی. 2 مینگی سوريه و تورکيه‌ده کمپلرده قالگن اوروش آواره سی باله بولیب، 14 آشخانه‌ده یوزلب انسان مذکور خیر- خیرات طفیلی خرسند بولدی. بوندن تشقری، کوپچیلیگی افریقادن بولیب طبی وضعیتی انیق بولگن مینگ باله نینگ عملیات خرجتلرینی هم اوز ذمّه‌سیگه آلدی. اوزیل ایندی قیزیل یریم آی نینگ جمعیتی نینگ قان و ایلدیز حجره کمپاینی گه قتنه‌شه‌دی.
