تورکیه مطبوعاتیدن خلاصه لر 10.03.1398

حریت روزنامه سی, تورکیه جمهوریتی تشقی ایشلر وزیری مولود چاووش اوغلی نینگ توناوکون سعودی عربستان نینگ جده شهریده بولیب اوتگن تورکیه- پاکستان- مالزیا تشقی ایش لر وزیرلری ییغیلیشی گه اشتراک قیلگن لیگی نی بیلدیرماقده. 

خبرده, چاووش اوغلی نینگ, تورکیه جهتی دن پاکستان بیلن مالزیا نینگ اوته مهم اولکه لردن عبارت ایکن لیگی نی بیلدیررایکن, "اسلام عالمی نینگ اینگ کتته دموکراسی سی و اقتصادی اوله راق اوز ارا همکارلیگی میز نی ینه ده آرتیره میز و مشترک ظرفیت لری میز دن جوده یخشی فایده له نه میز" دییه قید ایتگن لیگی معلوم قیلینماقده. 

خبرتورک روزنامه سی, "تورکیه 57 اولکه گه پامه دور صادر قیلدی" عنوانی بیلن بیرگن بیر خبریده, تورکیه نینگ جاری ییل نینگ دستلبکی 5 آییده 57 اولکه گه 163 میلیون دالرلیک پامه دور صادر قیلگن لیگی نی یازماقده. 

خبرده, 62 میلیون دالرلیک بیر رقم بیلن روسیه نینگ تورکیه دن اینگ کوپ پامه دور وارد قیلگن اولکه دن عبارت بولگن لیگی بیلدیریلماقده. 

صباح روزنامه سی, چینا سادرن هوا یوللری نینگ, چین نینگ ووهان شهریدن استانبول گه اوچیش لری نینگ باشله گن لیگی نی بیلدیرماقده. 

خبرده, اوشبو شرکت طیاره لری نینگ هفته ده اوچ مرته استانبول گه اوچه دیگن لیگی معلوم قیلینماقده. 

ستار روزنامه سی, توناوکون, دنیا ده گی سانی فقط گینه 30 دن عبارت بولگن آق ارسلان توری نینگ ایککی مذکر و 2 مونثی نینگ تورکیه نینگ استانبول ولایتیده جایلشگن ارسلان پارککه کیتیریلگن لیگی نی یازماقده.

خبرده, یاش لری 2,5 بیلن 3 بولگن اوشبو ارسلان لرنینگ آغیرلیگی نینگ ایسه 130 الی 150 کیلوگرام دن عبارت ایکن لیگی بیلدیریلماقده. 

وطن روزنامه سی, تورکیه نینگ موترسایکل هیده ش بوییچه ملی سپورتچی سی جان اونجو نینگ ایتالیاده دنیا قهرمان لیک مسابقه لری گه اشتراک قیله دیگن لیگی نی معلوم قیلماقده. 

خبرده, اوشبو مسابقه نینگ 2- جون کونیده تورکیه وقتی بیلن کوندوز ساعت 12 ده باشلیدیگن لیگی بیلدیریلماقده.