تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: «خلوصی آقردن پنجه حربي عملیاتی حقیده بیانات» سرلوحه‌سی بیلن بیرگن خبرده یازیلیشیچه، تورکيه ملي مدافعه وزیری خلوصی آقر پنجه عملیاتیدن مقصد تورکيه بیلن عراق شمالیدن کیلیب چیققن ترور تهدیدینی برطرف ایتیش ایکنلیگینی معلوم قیلدی.27 می کونی ترور تشکیلاتی پی کاکاگه قرشی باشلنگن پنجه عملیاتیگه دایر بیانات بیرگن خلوصی آقر: «تورک عسکری تامانیدن بو منطقه‌ده جنگریلر نینگ هر بیر جایی یوق قیلینه‌دی. قندیل، اساس و باشقه منطقه لرده انیقلنگن ترور آدرسلری ملي حربي واسطه‌لریمیز بیلن نشانگه آلیب اوریلماقده»،دیدی.
خبر تورک روزنامه سی: «برقی واسطه بطریسی اوچون رخصت بیریلدی» سرلوحه‌سی بیلن بیرگن خبرگه کوره، جاپانلیک کمپنی تیوتا و پاناسونیک برقی مو‌ترلرده فایده‌لنیله‌دیگن بطری‌لرنی تورکيه‌ده ایشلب چیقریشگه تیارلنگنلیگی معلوم بولدی. بو موضوعده 4 آی اوّل همکارلیکده تشبثگه قول اورگن ایکّی کمپنی نینگ اوشبو فعالیتی 2021 ییلده قوللنیله باشله‌یدیگن برقی مو‌ترلر اوچون کتّه اهمیت کسب ایته‌دی.
ستار روزنامه سی: «کرملین سوزچیسی پیسکوف: S-400 تیزیم‌لرینی تاپشیریش بیلگیلنگن کونگه ریجه‌لنماقده» سرلوحه‌سی بیلن بیرگن خبرگه کوره، کرملین سوزچیسی دمیتري پیسکوف S-400 راکت تیزیم‌لرینی تورکيه‌گه بیلگیلنگن کونده تاپشیریش یولیده هیچ قنده‌ی کمچیلیک یوقلیگینی و بیران کیچیکیش حالتی بولیشی ممکن ایمسلیگینی بیلدیردی.
حریت روزنامه سی: «ریکارد قولگه کیریتیلدی، رقم 3 میلیونگه ییتدی» سرلوحه‌سی بیلن بیرگن خبرگه کوره، انتا‌ليا توریزمی می آییده ینگی ریکارد درجه‌گه ایریشدی. 27 ميدن اعتباراً شهرگه کیلگن سیاحلر سانی 3 میلیوندن آشدی. انتا‌ليا تاریخیده ایلک مرته می آییده سیاحلر سانی 3 میلیونگه ییتدی.
صباح روزنامه سی: «سویدن‌ده 5 ته اتلیتیمیز بیللشه‌دی» سرلوحه‌سی بیلن بیرگن خبرگه کوره، سویدن پایتختی استکهلمده اوتکزیله‌دیگن الماس لیگی نینگ اوچینچی باسقیچیده بیللشه‌دیگن تورکيه ملي اتلیتلری معلوم بولدی. تورکيه اتلیتیزم فدراسیونی معلوم قیلیشیچه، استکهلمده‌گی المپیاد استدیومیده بولیب اوته‌دیگن مسابقه‌ده تورکيه‌دن را‌میل گُلي یف، یا‌سمین جا‌ن، اره‌س قایا، علی قایا و یاووز جا‌ن بیللشه‌دی.
