تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامهسی: «بشری یاردملری جهتیدن دنیا نینگ اینگ سخي دولتیمیز» سرلوحهسی بیلن بیرگن خبرگه کوره، تورکيه دولت باشلیغی رجب طیب ایردوغان نینگ تورموش اورتاغی امینه ایردوغان سویس نینگ ژنو شهریده اوتکزیلگن 72-جهان ساغلیقنی سقلش اسّمبلییهسیده صحبت قیلدی.
او صحبتیده 132 میلیوندن آرتیق یاردمگه محتاج انسان یشه گن بو دنیاده برچه نینگ ذمّهسیگه جوده کتّه مسؤلیت توشگنلیگینی تأکیدلهدی.
تورکيه صفتیده دنیا نینگ دردلریگه بیفرق بولمهگن بیبها عنعنه گه ایگه ایکنلیگیگه اعتبار قرهتگن امینه ایردوغان: «8 میلیارد دالردن آرتیق بشری یاردملری بیلن غیر صافی ملی عاید نسبتی بیلن دنیا نینگ اینگ سخي دولتی بولیش صفتی گه ایگه میز»،دیدی.
یینی شفق روزنامه سی: «تاش اوجوده کیمهسازلیک فابریکه سینی قوریش ریجهلنماقده» سرلوحهسی بیلن بیرگن خبرگه کوره، قبرس روم باشقرووی نینگ فرانسه گه حربي مرکز بیریشی بوتون دقتلرنی تکرار آق دینگیزگه قرهتدی. تورکيه نینگ 1999 - ییلده آلگن بو خصوصدهگی قراری تکرار کون ترتیبدن جای آلدی. اوشبو قرار مرسین نینگ تاش اوجو تومنیده کیمهسازلیک فابریکه سی قوریلیشینی کوزده توتگن. قوریلیشی ریجهلنگن اوشبو فابریکه تورکيه نینگ ملي خوفسیزلیگینی یقیندن قیزیقتیرهدی. بو فابریکه نهفقط تجاري کیمهلر اوچون، بلکه احتمالي اوروش وضعیتیده دینگیز کوچلری نینگ حربي کیمهلری اوچون خدمت قیلهدی.
صباح روزنامه سی: «15 ییلده 5 مودل» سرلوحهسی بیلن بیرگن خبرگه کوره، تورکيهدهگی اتوموبیل پروژه لری بوییچه فعالیتلر تیزلشدی. پروژه نینگ ایکّی قیرّهلی تصویرینی چیزیش فعالیتلری یکونلندی. جاري ییل آخریده پروژه نینگ بیرینچی اندازهسی تیار بولهدی. پروژه دایرهسیده 15 ییلده 5 ته مودلنی ایشلب چیقریش ریجهلنماقده.
حریت روزنامه سی: «رمضان بیرهمی تعطیلیده توریزمده جانلنیش کوتیلماقده» سرلوحهسی بیلن بیرگن خبرگه کوره، تورکيه نینگ اینگ مهم توریزم مرکزلریدن بیری و عینِ پیتده یونسکونینگ دنیا میراث رویخطیدن جای آلگن پاموق قلعه ده رمضان آیی نینگ فیضینی حس قیلیش ممکن. 4 جونده باشلنهدیگن هییت بیرهمینی پاموق قلعه ده اوتکزماقچی بولگن وطنداشلر شهردهگی هوتللرگه شو وقتدن بویورتمه بیردی. تورت فصل محلي و خارجلیک سیاحلردن تولیب تاشگن پاموق قلعه دهگی هوتللر هییت بیرهمی تعطیلیده 100 فایز تولیشی کوتیلماقده.
ستار روزنامه سی: لایزر قورالی هوا مدافعه تیزیمی گه اوزگرتیریله دی دیگن سرلوحه سی بیلن بیرگن خبرده؛
تورک مدافعه صنایع شرکتلری لایزر قورال فعالیتلرینی هوا مدافعه تیزیمی لایزر تیمی گه ایلنتیریش اوچون بیرلشدی. Aselsan, Roketsan, Ermaksan, Saver, TÜBİTAK و گبزه تخنکی عالی بیلیم یورتی بیلن ایجاد ایتیلگن مشترک شرکت لایزر هوا مدافعه تیزیملری بوییچه پروژه تیارله دی.