تورکیه نینگ مطبوعات خلاصه لری

تورکیه نینگ مطبوعات خلاصه لری  

ستار روزنامه سی: جمهور باشلیغی رجب طیب ایردوغان نینگ S-500 تکلیفی گه روسیه دن دستلبکی فکر بیلدیریلدی

جمهور باشلیغی ایردوغان نینگ روسیه بیلن موجود S-400 هوا مدافعه تیزیمی کیلیشضووی نینگ آرتیدن S-500 تیزیملرینی روسیه بیلن مشترک اوله راق ایشلب چیقریش بیلن تیگیشلی سوزلرینی بهالندیرگن روس متخصصلر، بو ساحه ده همکارلیک نینگ ممکن ایکن لیگینی معلوم قیلماقده لر. تورکیه آلدین هم روسیه بیلن 5- نسل آوچی اوچاقلرنینگ تولیدی بیلن تیگیشلی همکارلیک نینگ ممکن ایکن لیگینی اعلان قیلگن ایدی. 

صباح روزنامه سی: استانبول قونلغه سیگه خلق ارا مکافات دیب بیرگن خبریده:

استانبول خلق ارا قونلغه سیگه مرکزی امریکا قوشمه ایالتلریده بولمیش گلوبال علاقه سی ممکن بولگن خلق ارا مقیاسده گی ‘Global Traveler’ سیاحت مجله سی تامانیدن مکافات بیریلدی. بو مجله دن مکافات آله دیگن شرکتلرنی 2018 – ییلی 1 اکتوبر – 2019 – ییلی 31 جنوری تاریخلری اورته سیده اوقووچیلر تامانیدن تثبیت ایتیلدی.

یینی شفق روزنامه سی: تورکیه نینگ غربی آق دینگیز منطقه سی، 4 آی جریانیده 62 میلیون دالرلیک پمدور صادر قیلدی

انتالیا، اسپارتا و بوردور جایلشگن غربی آق دینگیز صادراتچیلر بیرلیگی جنوری – اپریل دوریده 157 میلیون 493 مینگ 977 دالرلیک میوه و سبزه جات صادر قیلدی. بونینگ 130 میلیون 438 مینگ دالرلیک قسمینی سبزه تشکیل ایتدی. انتالای، اسپارتا و بوردوردن ایلک 4 آی جریانیده اینگ کوپ روسیه و آلمانگه صادر قیلیندی. روسیه گه 23 میلیون 460 مینگ 208 دالر، آلمانگه ایسه 23 میلیون 435 مینگ 861 دالر بولدی.

خبر تورک روزنامه سی: توریستیک شرقی ایکسپریس نینگ دستلبکی سفری گه کم قالدی

شرقی ایکسپریس بیلن سیاحت گه قیزیقیش کون سایین آرتیب بارماقده. ترنسپورت وزیری جاهد تورخان بیلن مدنیت و توریزم وزیری مِحمد نوری ایرسوی، بیرینچی سفرینی عملگه آشیره دیگن توریستیک شرقی ایکسپریس نی 29 می کونی انقره دن قارس گه جونته دی. 1 مینگ 300 کیلومترلیک یول قریب 25 ساعت گه بارگن ریل بو جریانده 53 استیشن ده توخته لیب باره دی. 

حریت روزنامه‌سی: بارگن تکرار باره دی اروپا و آسیادن هجوم قیلیب بارماقده لر

تورکیه نینگ اینگ کوپ سیاحت قیلیب باریلگن 10 جاییدن بیرته سی بولمیش اخلارا وادیسی طبیعی و تاریخی گوزه ل لیگی بیلن علاقه نی اوزیگه تریتب آلماقده. وادی گه اوتگن ییلی الدینگی ییل گه کوره 19 فایز کوپه ییب 501 مینگ 158 توریست باردی. 14 کیلو متر اوزونلیگیده گی اخلارا وادیسی کلیسه، و نباتات گوزه لیکلری علاقه نی اوزیگه تریتب آلماقده.