تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: سویس مطبوعاتی استانبول قونلغه سیگه مقتاو یاغدیردی. سویس نینگ نفوذلی روزنامه‌لریدن بیری Neue Zürcher Zeitung نینگ یازووچیسی بیرگیت وایگت، «استانبول قونلغه سی همه‌نی حیرتگه توشیرماقده. قونلغه حقیقتن مقتاوگه لایق و یولاوچیلرگه عجایب شرط-شرایط تقدیم ایتماقده. یولاوچی صالونی جوده هم کینگ و یاروغ» دیگن افاده‌لرگه ا‌ورین بیردی.
صباح روزنامه‌سی: ساختمان ترماغیده 12 آی آرتیدن اوسیش کوزه‌تیلدی. تورکيه نینگ ساختمانی ماتریاللری صنایعچیلری اویوشمه سی تامانیدن هر آی منتظم روشده تیارلنگن راپورگه کوره، ساختمان ترماغیده 12 آی دوام ایتگن اونومسیزلیک شو ییل نینگ مارچ آییده اوز نهایه‌سیگه ییتگن و تکرار اوسه باشله‌گن. فعالیت ایندیکسی مارچ آییده آلدینگی آیگه نسبتاً 2.1 درجه آرتگن. ینه مذکور معلوماتگه کوره کیله‌سی جریانده ایشلب چیقریش و ایش بیلن تأمینلشده آرتیش کوتیله‌دی.
یینی شفق روزنامه‌سی: مسلمانلیکنی قبول قیلگن امریکالیک قوشیقچی تورک لیره‌سینی حمایه قیلدی. تورکيه‌ده عمر سوره باشله‌گنیدن کیین مسلمانلیکنی قبول قیلگن و تورک خلقی تامانیدن قوللب-قوّتلنگن امریکالیک قوشیقچی دیللا مِیلیس، تورک لیره‌سی نینگ دنیاده اوز اورنینی تاپیشی کیره‌کلیگینی بیلگیلب اوتگن حالده، صحنه نرخلرینی تورک لیره‌سی اوستیدن آلیش حقیده قرار قبول قیلدی. بیر تاماندن اروپا نینگ اینگ نفوذلی کنسرت صالونلریده اون مینگلب کیشی آلدیده قوشیق کویله‌گن، ایکّینچی تاماندن تورکيه نامیدن اوز اختیاری بیلن توریزم ایلچیسی وظیفه‌سینی اوز ذمّه‌سیگه آلگن مِیلیس، صحنه نرخلرینی تورک لیره‌سیگه ایلنتیریش آرقه‌لی بو باره‌ده قنچه‌لیک قرارلی ایکنلیگینی کورسه‌تدی.
خبر تورک روزنامه‌سی: سیواسده‌گی قیزیلچا‌ن کولی کورگنلرنی حیرتگه سالماقده. تورکيه نینگ سیواس ولایتی نینگ زره تومنیده جایلشگن جا‌ن اوا قیشلاغیده ا‌ورین آلگن و ماوي رنگی بیلن علاقه لرنی اوزیگه جلب ایتگن و طبيعي روشده پیدا بولگن کول، کورگنلرنی حیرتگه سالماقده. بیرته تیپه‌ده‌گی قریب 100 متر چوقورلیکده‌گی کرا‌تیر چوقوریده‌گی کول، طبعتچی و فوتو تصویرچیلرنی کوتماقده. قیشلاق اهالیسی، «ولقانیک کول نینگ تیبی حقیده هیچ قنده‌ی معلومات یوق» دیماقده. آب-هواگه کوره رنگی اوزگرگن کولده بلیقلر هم بار.
حريت روزنامه‌سی: تورکيه نینگ اینگ یخشی حفاظت قیلینگن قیشلاغی آدا‌تیپه قیشلاغیدیر. تورکيه نینگ چناق قلعه ولایتی نینگ آیوا‌جیق تومنیگه قره‌شلی کوچوک قویو شهرچه‌سیده جایلشگن آدا‌تیپه قیشلاغی، تورکيه نینگ اینگ یخشی حفاظت قیلینگن قیشلاغی حسابلنه‌دی. یونان و تورک معمارچیلیگی نینگ ایزلرینی اوز ایچیگه آلگن بنالر ا‌ورین آلگن آدا‌تیپه، خوددی تینچلیک اوچون آچیلگن بیر پنجره‌گه اوخشه‌یدی. ایسکی تاش اویلری بیلن مهمان کوزه‌تگن آدا‌تیپه‌ده، ایسکی تیگیرمانلر، زیتون محصولاتلری ساتگن دوکانلر و زیتونچیلیکنی نمایش ایتگن موزیم بار.
