تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامه‌سی: تشقی ایشلر وزیری چاووش اوغلی وینزوئلا حقیده بیانات بیردی. تشقی ایشلر وزیری مولود چاووش اوغلی تورکيه نینگ وینزوئلانی قوللب-قوّتلشنی دوام ایتیشینی قید ایتدی. مولود چاووش اوغلی، رسمی سفر بیلن پایتخت انقره‌گه تشریف بویورگن وینزوئلا‌لیک کسبداشی جورج ارئازا بیلن مطبوعات کنفرانسی اویوشتیردی. مذکور کنفرانسده تشقی ایشلر وزیری چاووش اوغلی، «وینزوئلانی قوللب-قوّتلشنی دوام ایته‌میز. وینزوئلا‌ده‌گی هر قنده‌ی سلبي جریان بوتون لاتین امریکاگه و حتا غربي هند آراللریگه تأثیر قیلیشی ممکن" دیدی.
صباح روزنامه سی: عراق نینگ شِمالیگه قرشی هوا هجومی اویوشتیریلدی. ملي مدافعه وزیرلیگی توناون عراق نینگ شِمالیگه قرشی اویوشتیرگن هوا هجومی عاقبتیده پی کاکا ترور تشکیلاتی اعضاسی تروریستلر تامانیدن فایده‌لنیلگن نقطه‌لر نینگ یوق قیلینگنلیگینی معلوم قیلدی. وزیرلیک تامانیدن شو حقده تویترده قالدیریلگن پُستده، «عراق نینگ شِمالیده‌گی اواشین-باسیا‌ن و ها‌کورک منطقه‌لریگه قرشی اویوشتیریلگن هوا هجومی عاقبتیده ترور تشکیلاتی تامانیدن فایده‌لنیلگن قورا-مهمات دیپو‌لری و باش‌پناه‌لر نشان آلیب اوریلدی» دیگن افاده‌لرگه ا‌ورین بیریلدی.
خبر تورک روزنامه سی: اته‌ک، برازیل‌ده نمایش گه قوییلدی. «اته‌ک» تیک اوچری برازیل‌ده اوتکزیلگن roadshow دایره‌سیده 11 نفر پیلوت تامانیدن 18 ساعت اوچیب نمایش ایتدی. اته‌ک، مذکور نمایش بیلن پیلوت و تماشا‌بینلر تامانیدن آلقیشلندی.
یینی شفق روزنامه سی: تورک مدافعه صناعتی LAAD نمایشی گه تیار.
تورکيه 2-اپریلدن باشلب 5-اپریلگچه برازیل‌ده اویوشتیریله‌دیگن نوبتده‌گی LAAD مدافعه و خوفسیزلیک نمایشی گه جمهور رئیس لیک مدافعه صناعتی باشلیغی ییتکچیلیگیده 17 ته شرکت بیلن اشتراک ایته‌دی. نمایش چاغیده تورک مدافعه صناعتی شرکت‌لری تامانیدن ایشلب چیقریلگن زره‌لی واسطه‌لر پلاتفورمی، هیداوچیسیز تورلی قوریقلیک واسطه‌لری بیلن اوچووچیسیز هوا ترانسپورتلری، دینگیز تیزیملری، قورال-یراق تیزیملری، الکترونیک تیزیملر، مهماتلر، سیمولا‌تورلر، حربي نساجی محصولاتلری، لوجستیک یاردم محصولاتلری تنیتیله‌دی.
ستار روزنامه سی: THY نینگ لندن-انتالیا اورته‌سیده‌گی توغریدن-توغری قتناوی یولگه قوییلدی. تورک هوا یوللری نینگ لندن-انتالیا اورته‌سیده‌گی توغریدن-توغری قتناوی یولگه قوییلگن لیگینی بیلدیردی. بو نینگ بیرینچی سفری 31-مارچ کونی عملگه آشیریلر ایکن اونده‌گی قرعه بیلن ایکّی نفر یولاوچیگه لندن-انتالیا اورته‌سیده باریش و کیلیش تکت‌لری ساوغه قیلیندی.
