تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی» «بوتون دنیا رهبرلریدن تورکيه دولت باشلیغیگه تبریک» سرلوحهسی بیلن بیرگن خبرگه کوره، آذربایجان دولت باشلیغی الهام علی یف، فلسطین دولت رهبری محمود عباس، سیربيا دولت باشلیغی الیکسندر ووچیچ، بوزني هرزگوین دولت رئیسلیک کینگشی رهبری مِیلوراد دودیک و دموکراتیک حرکت حزبی رهبری بکر عزت بیگاویچ، البانيا باش وزیری ایدی رمه بیلن گینه دولت باشلیغی الپها کوندی و باشقه دولت رهبرلری تورکيه دولت باشلیغی رجب طیب ایردوغانگه قونغراق قیلیب، سیلاودهگی غلبهسی بیلن تبریکلهدی.
وطن روزنامهسی: «تورک هوا یوللری استانبول قونلغه سیدن 405 مینگدن آرتیق یولاوچی تشیدی» سرلوحهسی بیلن بیرگن خبرگه کوره، تورک هوا یوللری باشلیغی بلال ایکشی تویتردهگی صحیفهسیده «استانبول قونلغه سیده یولاوچی سانینی 405 مینگدن آشیردیک. استانبول قونلغه سیده بوگونگچه 3214 ته پرواز عملگه آشیردیک و 405 مینگدن آرتیق یولاوچیگه خدمت بیردیک. ییریک لایحهلر بیلن 2023 ییلگه قدَر اوز آلدیمیزگه قویگن مقصدلریمیزگه ایریشهمیز»،دیب یازدی. دنیادهگی اینگ ییریک قونلغه لردن بیری بولگن استانبول قونلغه سی 2018 ییل نینگ 29 آکتوبر کونی آچیلگن ایدی.
ستار روزنامهسی: «ینگی ملي تیزیم بیلن دینگیز فلوتیگه باشقه دینگیزلرده حرکتلنیش قابلیتی» سرلوحهسی بیلن بیرگن خبرگه کوره، محلي و ملي امکانیتلر بیلن تورک انجنیرلری تامانیدن دینگیز فلوتیدهگی برچه کیمهلرگه قوشمه حرکت قابلیتینی تأمینلهیدیگن ADVENT تیزیمی ایشلب چیقیلدی. اوشبو تیزیم بیلن قاره دینگیز و مرمره دینگیزیدهگی حربي کیمهلر بیر پیت نینگ اوزیده قوشمه حربي عملیاتلرده اشتراک ایته آلهدی. حاضرده قوریلیشی دوام ایتهیاتگن و کیلگوسیده قوریلهدیگن برچه حربي کیمهلرده هم ینگی نسل ADVENT ملي حربي باشقروو تیزیمی قوللنیلهدی.
یینی شفق روزنامهسی: «طبيعي تاش صادراتی 25 ییلده 33 برابرگه آشدی» سرلوحهسی بیلن بیرگن خبرگه کوره، تورکيهگه ییلده 2 میلیارد دالر اسعار آلیب کیلگن تورک طبيعي تاش سکتوری ایزمیردهگی مرابله کورگزمه ده بوتون دنیادن کیلگن مینگلب صادراتچیلرگه میزبانلیک قیلدی. کورگزمهگه 1100 گه یقین شرکت اشتراک ایتدی. بولردن 209 نفری خارجلیک فیرمهلردن تشکیل تاپگن. دنیا بوییچه طبيعي تاش ذخیرهلری نینگ 35 فایزیگه ایگه بولگن تورکيه ییلده 2 میلیارد دالرنی تشکیل قیلگن طبيعي تاش صادراتینی 7 میلیارد دالرگه چیقریشنی مقصد قیلماقده.
حریت روزنامهسی: «انگلیس روزنامهسی شوندهی یازدی:قاره دینگیز طعاملری نینگ لذتی آغزیمده قالدی» سرلوحهسی بیلن بیرگن خبرگه کوره، انگلستانده نشر قیلینگن The Guardian روزنامهسی نینگ یازووچیسی کرولینه ایدین تورکيه نینگ قاره دینگیز منطقهسیگه سیاحت قیلیب، او ییردهگی لذتلی طعاملرنی بیرمه-بیر تنیتدی.
او استانبولدن ترانسپورت واسطهسیده قاره دینگیزگه کیلدی و توصیه قیلینگن برچه ییگولیکلردن تهتیب کوریشگه حرکت قیلگنلیگینی یازدی. قاره دینگیز ییگولیکلری لذتلی و عینِ پیتده ارزان ایکنلیگینی معلوم قیلگن ایدین، دنیاگه صادرات قیلینهیاتگن فیندیق، یعنی تورک یانغآغی نینگ 70 فایزی تورکيه نینگ قاره دینگیز منطقهسیدن تأمینلنگنلیگینی ایسلهتدی. ژورنالیست کرولینه ایدین «قاره دینگیز ییگولیکلری نینگ لذتلی طعمی آغزیمده قالدی»،دیدی.