تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه‌سی: «تورکيه دولت باشلیغی ایردوغان ترویا موزیمی آچیلیشیده صحبت قیلدی» سرلوحه‌سی بیلن بیرگن خبرگه کوره، تورکيه دولت باشلیغی رجب طیب ایردوغان ترویا موزیمی چاناق قلعه‌نی بوتون انسانیت اوچون تکرار بیر جاذبه مرکزیگه ایلنتیریش یولیده‌گی اولکن پروژه‌لردن بیری ایکنلیگینی معلوم قیلدی.
ایردوغان توناون تورکيه نینگ چاناق قلعه ولایتیده تشکیل ایتیلگن ترویا موزیمی نینگ آچیلیش مراسمیده صحبت قیلدی. ترویا 5000 ییللیک اوتمیشی بیلن یونیسکو تامانیدن 1998 ییلده دنیا میراث رویخطیگه آلینگن اینگ مهم جایلردن بیری ایکنلیگینی تأکیدله‌گن ایردوغان 2018 ییلنی «ترویا ییلی» دیب اعلان قیلیش بیلن، نه‌فقط مملکت مقیاسیده بلکه، بوتون دنیا بویلب ترویا‌نی تنیتیشنی کوزده توتگنلیگینی بیلدیردی.
صباح روزنامه‌سی: «خلوصی آقردن ینگی زیلاند‌ده‌گی ترور هجومی حقیده بیانات» سرلوحه‌سی بیلن بیرگن خبرگه کوره، تورکيه ملي مدافعه وزیری خلوصی آقر «ینگی زیلاند‌ده‌گی ترور هجومی اسلامگه و تورکلرگه نسبتاً، قاله‌ویرسه تورکيه دولت باشلیغی ایردوغانگه نسبتاً دشمنلیک نینگ قنچه‌لیک یمان وضعیتگه کیلگنلیگینی کورسه‌ته‌دی»،-دیدی.
خلوصی آقر توناون چاناق قلعه شهیدلر آبده سی «18 مارچ شهیدلرنی خاطرلش و چاناق قلعه غلبه‌سی نینگ 104 ییللیگی» مناسبتی بیلن تشکیل قیلینگن محفلده صحبت قیلدی.
او صحبتیده جمعه کونی ینگی زیلاند‌ده صادر بولگن ترورچیلیک حرکتینی قاره‌له‌دی. معلومکی، اوشبو ترورچیلیک حرکتیده 50 کیشی حیاتینی یوقاتدی. بو حادثه نی لعنتله یمن" دیب گپیردی.
خبر تورک روزنامه‌سی: «اروپا بیرلیگی بیلن بولگن تجارتده 6-آیده کوزلنگن مقصدگه ایریشیلدی» سرلوحه‌سی بیلن بیرگن خبرگه کوره، تورکيه جنوری آییده اروپا اتفاقی دولتلریگه عملگه آشیرگن اصادراتی اواردات نسبتیدن 1 میلیارد 797 میلیون یورو آشیب کیتدی.
اروپا ستاتیستیک دفتری (Eurostat) اروپا اتفاقی و یورو حدودی نینگ جنوری آییده‌گی خلق‌ارا سودا راپورینی اعلان قیلدی. بونگه کوره، اوتگن ییل نینگ جنوری آییده 7.7 میلیارد یورونی تشکیل قیلگن تورکيه نینگ اروپا اتفاقیدن قبول قیلیب آلگن وارداتی 2019 ییل نینگ جنوری آییده 5 میلیارد یوروگه کیلدی.
2018 ییل نینگ بیرینچی آییده 6.5 میلیارد یورو اطرافیده بولگن تورکيه نینگ اروپا اتفاقیگه اصادراتی جاري ییل نینگ جنوری آییده 6.8 میلیارد یوروگه باردی.
نتیجه‌ده، 2018 ییل نینگ جنوری آییده 6،5 میلیارد یورو بولگن صادرات بو ییل 6،8 میلیارد یوروگه باردی. سودا کم‌آمدی 1.2 میلیارد یورونی تشکیل قیلدی.
حریت روزنامه‌سی: «استانبول نینگ اهالی سانی جهتیدن 131 دولتنی آرتده قالدیردی» تورکيه نینگ اینگ گوجوم شهری استانبولده اهالی سانی 15 میلیون 67 مینگ 724 کیشیگه ییتدی. بو جهتدن استانبول دنیاده‌گی 131 دولتنی آرتده قالدیردی. تورکيه ستاتیستیک تشکیلاتی بیلن بیرلشگن ملتلر تشکیلاتی اهالی فوندی معلوماتلریگه کوره، 2018 ییلده تورکيه نینگ عمومي اهالی سانی 82 میلیون 3 مینگ 882 کیشیگه ییتدی، بو نینگ 18.4 فایزی استانبولده استقامت قیله‌دی.
بلژیک، یونان، اتریش، سویس و بلغاريا کبی 131 دولت نینگ اهالیسی 5 ییلده 6.4 فایز آشگن حالده 15 میلیون 67 مینگ 724 کیشیگه ییتگن استانبولدن آرتده قالدی.
ستار روزنامه‌سی: « T129 اته‌ک» لاتین امریکاگه قدم باسه‌دی» سرلوحه‌سی بیلن بیرگن خبرگه کوره، تورکيه هواچیلیک و فضا صناعتی جَنوبي امریکا منطقه‌سیده‌گی اینگ ییریک مدافعه صناعتی نمایشی دیب اتلگن مدافعه و خوفسیزلیک نمایشیده اشتراک ایته‌دی.
اوشبو کورگزمه جاری ییل نینگ 2-5 اپریل کونلری برازیل نینگ Rio de Janeiro شهریده تشکیل قیلینه‌دی.
« T129 اته‌ک» تیک اوچرلری کورگزمه دن آلدیدن برازیل نینگ ایکّی شهریده پروازلرینی عملگه آشیره‌دی.
