تورکیه مطبوعاتیدن خلاصه لر 23.12.1397

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ اسرائیل باش وزیری بنیامین نتنیاهو نینگ, 7 یاشلی فلسطین لیک لر نی اولدیرگن بیر ظالم ایکن لیگی نی بیلدیرگن لیگی نی معلوم قیلماقده. 

خبرده, اردوغان نینگ, نتیاهو گه عکس العمل کورسترایکن, "کیم ایکن لیگینگنی بیل. سین 7 یاشلی فلسطین لیک لر نی اولدیرگن و عیال لرنی قماققه تشله گن بیر ظالم سن. او ییرده گی معبد لری میز گه پولیس لرینگ و عسکر لرینگ بوت لری بیلن کیرماقده.  بیز بو اولکه ده هیچ قنده ی بیر موسوی گه ظلم ایتمه دیک, هیچ بیر معبد ده سیز نینگ قیلگن ایشینگیز قیلمه دیک.  بیز نی تحریک قیلمنگ. بیز نینگ الده نیشی میز ممکن ایمس.  قیلمیشینگیز اوچون خلق ارا جامعه مقابلیده مسئول سیز" دییه قید ایتگن لیگی معلوم قیلینماقده. 

ستار روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, اسرائیل باش وزیری بنیامین نتنیاهو نینگ جمهوررئیس رجب طیب اردوغان باره سیده گی سوزلری گه عکس العمل کورسترایکن, "یالغان لر و باسیم لر جرم لرینگیز نی یَشیره آلمیدی" دییه قید ایتگن لیگی نی بیلدیرماقده. 

خبرده, قلین نینگ, "نتیناهو, عرب لر و مسلمان لر حقیده گی عِرقچی سوز لری نی ایتیب بیرگن لیگی سببلی جمهوررئیس اردوغان حقیده یامان گپ لر گپیرماقده.  اونینگ بحث قیلیاتگن آپارتاید دولتی فلسطین توپراق لری نی اشغال قیلیب, عیال لر و باله لر نی اولدیررایکن, فلسطین لیک لرنی اوز یورت لریده محکوم قیلماقده" دییه قید ایتگن لیگی ایسله تیلماقده. 

ینی شفق روزنامه سی, تورکیه جمهوریتی تشقی ایش لر وزیرلیگی نینگ اوروپا پارلمانی نینگ تورکیه بیلن علاقه لی راپوری گه عکس العمل کورستگن لیگی نی بیلدیرماقده.

خبرده, وزیرلیک تامانیدن بیریلگن بیاناتده, "اوروپا پارلمانیده قبول قیلینگن بیر تامانلمه و حقیقت لرنی عکس ایتتیرمیاتگن راپور نینگ بیز نینگ جهتی میزدن هیچ قنده ی بیر اهمیتی یوق. اوروپا پارلمانی نینگ تورکیه توغریسیده گی سیاستی, تورکیه بیلن اوروپا بیرلیگی اورته سیده گی مناسبت لر نی یخشی لشتیریش بوییچه بولیشی کیره ک" دییه قید ایتیلگن لیگی گه دقت قره تیلماقده.

حریت روزنامه سی, روس توریست لرنینگ اینگ کوپ تورکیه گه سیاحت قیلیاتگن لیک لری نی معلوم قیلماقده. 

خبرده, تورکیه سیاحت آژانس لری بیرلیگی تامانیدن تیارلنگن بیر راپورده, اوتگن ییلده روس لرنینگ 91 فایز مقیاسیده تورکیه گه سیاحت قیلگن لیک لری ایسله تیلماقده. 

روزنامه, 2018 – ییلده تورکیه گه کیلگن روس توریست لر سانی نینگ 5 میلیون 964 مینگ 613 نفر گه کوتریلیب کیتگن لیگی نی بیلدیرماقده.