تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامهسی: جمهور باشلیغی ایردوغاندن مهم بیاناتلر.
جمهور باشلیغی رجب طیب ایردوغان تورکيه نینگ آق دینگیزی نینگ شرقیدهگی نفت قیدیریش فعالیتلریگه توختهلر ایکن بو حقده، «خدا خواهلهسه خلقیمیزگه، صبرسیزلیک بیلن کوتگن سیوینچلی خبرلرینی هم بیرهمیز» دیدی. جمهور باشلیغی ایردوغان، وناون پایتخت انقره نینگ آلتینداغ تومنیده جایلشکن «قاره پورچک کوراوغلی» پارکیده اویوشتیریلگن آچیلیش مراسمیده یورتداشلرگه خطاب ایتدی. اوز خطابیده، «کون ترتیبیمیزگه کوره حدودلریمیزده، خوفسیز منطقه لر تشکیل ایتیش ریجهلشتیریلماقده» دیگن جمهور باشلیغی ایردوغان، 310 مینگ مهاجر نینگ اوز اوی-جاییگه قَیتگنلیگینی هم اوز سوزیگه علاوه ایتدی.
ستار روزنامهسی: انرژی و طبيعي منبعلر وزیری فاتح دونمیز علی یف بیلن اوچرهشدی. تورکيه نینگ انرژی و طبيعي منبعلر وزیری فاتح دونمیز توناون جنوبي گاز گذرگاهی نینگ مصلحتچی کینگشی نینگ نوبتدهگی وزیرلر ییغیلیشیده اشتراک ایتیش اوچون آذربایجانگه بارر ایکن او ییرده، جمهور باشلیغی الهام علی یف تامانیدن قبول قیلیندی. آذربایجان جمهور رئیسلیک تامانیدن موضوع حقیده بیریلگن بیاناتگه کوره علی یف، ترهنس اناطولی طبيعي گاز پیپ لاینی (تناپ) آرقهلی 1 میلیارد متر مکعبدن آرتیق طبيعي گاز نینگ تورکيهگه ییتکزیب بیریلگنلیگینی بیلدیردی. بیاناتده، فاتح دونمیز نینگ هم فکرلریگه اورین بیریلر ایکن تناپ و ستار ذخیره سی کبی ییریک پروژهلرنی کیلهجکده هم دوام ایتتیریش نیتیده ایکنلیکلرینی قید ایتدی.
خبر تورک روزنامهسی: تورک جراحلری چیت ایلده بیر نیچه عملیات اوتکزیب قَیتدی. تورکيه نینگ تورلی عالی بیلیم یورتلریدن، افتخاری 6 نفر پروفیسور عراق نینگ کرکوک شهریده، ساغلیک جهتیدن احوالی آغیر 30 نفر کسلنی عملیات قیلیب قَیتدی. غازی، ییلدیریم بیازید، عثمانغازی، نجم الدین ایربقان و سلجوق عالی بیلیم یورتیدن تورلی ساحهلردهگی 6 نفر پروفیسور ییتکچیلیگیدهگی هیئت افتخاری کرکوکده سمینار و کنفرانسلر آستیده طبابت ساحهسیدهگی ینگیلیکلر حقیده هم معلومات بیردی. داکترلر، مهاجرلر کمپلری قاله ویرسه شهردهگی کسلخانه و ساغلیقنی سقلش مؤسسهلریده هم خدمت قیلدی.
حريت روزنامهسی: 89 - ژنو اتوموبیل کورگزمهسی بولیب اوته دی
89 - ژنو اتوموبیل کورگزمهسی 7-17 مارچ کونلری اوتکزیلهدی. دنیا نینگ اینگ نفوذلی اتوموبیل کورگزمهلریدن بیری حسابلنگن سویس ده گی «89-ژنو اتوموبیل کورگزمهسی» 7-17-مارچ کونلری اوتکزیلهدی. بیرینچی مرته 1905-ییلی باشلهگن و 1924-ییلی خلقارا کورگزمه دیب قبول قیلینگن 89-ژنو اتوموبیل کورگزمهسیده تورک شرکتلری هم اشتراک ایتهدی.
صباح روزنامهسی. استانبول دون کیشوت یولی رویخطیگه کیریتیله دی.
زمانهوي اروپا نینگ بیرینچی رومانی صفتیده قبول قیلینگن «دون کیشوت»نی قلمگه آلگن اسپانیالیک یازووچی Cervantes حقیده «cCervantes استانبولده» دیگن سرلوحه بیلن 2 کون دوام ایتهدیگن پروگرام اوتکزیلهدی. استانبولنی، «دون کیشوت» یولیده اورین آلگن شهرلر رویخطیگه رسمي روشده کیریتگن پروگرام، استانبول بلدیه سی بیلن Cervantes انستیتوتی همکارلیگیده 22-23 فبروری کونلری جمال رشید رای کنسرت صالونیده بولیب اوتهدی.