تورکیه مطبوعاتیدن خلاصه لر 19.11.1397

 ینی شفق روزنامه سی, تورکیه نینگ توناوکون عراق نینگ شمالیده گی میتینا و زاپ منطقه لریده هوائی عملیات اویوشتیرگن لیگی نی بیلدیرماقده. 

خبرده, تورکیه جمهوریتی مدافعه وزیرلیگی نینگ, تویتر آرقه لی بیرگن بیاناتیده, عراق نینگ شمالیده گی اوشبو منطقه لرده هوائی عملیات اویوشتیریلگن لیگی نی بیلدیرگن لیگی معلوم قیلینماقده. 

روزنامه اوشبو بیاناتده خوددی شوو عملیات نتیجه سیده ترور تشکیلاتی نینگ موضع لری و مهمات دیپولری نینگ یوق قیلینگن لیگی نینگ بیلدیریلگن لیگی نی یازماقده. 

ستار روزنامه سی, آلمان ده باسیلیب چیقه دیگن  در اشپیگل روزنامه سی نینگ, یونان باش وزیری الکسیس چیپراس نینگ تورکیه گه قیلگن سفری توغریسیده بیر خبر گه اورین اجره تگن لیگی نی بیلدیرماقده. 

روزنامه, خوددی شوو خبرده, 2016 – ییلده تورکیه بیلن اوروپا بیرلیگی اورته سیده مهاجر لر بیلن علاقه لی کیلیشوو نینگ امضاله نیشی آرتیدن, اژه دینگیزی دن یونان گه اوتگن مهاجر لر سانی نینگ انچه توشیب کیتگن لیگی نینگ بیلدیریلگن لیگی گه دقت قره تماقده. 

ستار روزنامه سی, آلمان روزنامه سی نینگ اوشبو خبریده, یونان آرال لری نینگ, مهاجر لر اوچون بیر قماقخانه گه ایله نیب قالگن لیگی نی بیلدیررایکن, بونگه قره مسدن تورکیه نینگ اوشبو کیلیشوو نی تطبیق قیلمس لیگی تقدیرده, مهاجر لرنینگ یونان گه اوتیب باریش لری گه مانع بولیش نینگ ممکن ایمس لیگی نی معلوم قیلگن لیگی نی ایسلتماقده. 

حریت روزنامه سی, امریکا قوشمه ایالت لریده یشیاتگن ایککی تورک نینگ جوده هم مهم بیر علمی موفقیت قولگه کیریتگن لیگی نی بیلدیرماقده. 

خبرده, ماسیچوسیت جنرال کسلخانه سیده تدقیقات آلیب باریاتگن ژنیتیک متخصصی مهربان ییلدیریم نینگ تیزده کتته بوله دیگن ایمچک سرطانی کسل لیگیده تداوی گه مقاومت کورسه ته دیگن حجره لر و بونگه سبب بوله دیگن میکانیزم نی تاپیش گه موفق بولرایکن, انجنیر بولگن ایری مراد ییلدیریم نینگ ایسه جوده یخشی بیر شکلده مییه حجره لری نی کوریش اوچون زمینه یره ته دیگن بیر میکروسکوپ اویلب تاپگن لیگی معلوم قیلینماقده.

خبرتورک روزنامه سی, 2018 – ییلده استانبولده گی سبحه گوکچن هوا قونلغه سیدن 34 میلیون 58 مینگ یولاوچی نینگ فایده لنگن لیگی نی معلوم قیلماقده.

خبرده, سبحه گوکچن هوا قونلغه سی نینگ اوشبو رقم بیلن اوروپا نینگ اینگ کتته 12 نچی هوا قونلغه سی بولگن لیگی بیلدیریلماقده. 

روزنامه, سبحه گوکچن نینگ تورکیه نینگ اینگ کتته ایککینچی هوا قونلغه سیدن عبارت ایکن لیگی نی یازماقده.