تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: "ایردوغان: بیز نینگ سوريه‌ده اشغال بیلن ایشیمیز بولمه‌یدی"
دولت باشلیغی رجب طیب ایردوغان، سوريه‌ده بشری مقصدده بولگن یگانه دولت نینگ تورکيه ایکنلیگینی ایضاحله‌دی.
رجب طیب ایردوغان، انقره‌ده زمینی حربي مکتب HGM اطلس و HGM کُوره فعالیتی نینگ تنیتوویگه قتنه‌شدی. "بیزگه 780 مینگ کیلو متر وطن توپراقلریمیز ییته‌دی" دیگن ایردوغان، صحبتیده، سوريه چیگره‌سیده وجودگه کیلتیریلیشی کوزگه توتیلگن خوفسیز حدود بیلن علاقه‌لی، تورکيه نینگ اشغال ایتیش توشونچه‌سی بولمه‌گنیگه دقّت قره‌تدی.
خبر تورک روزنامه سی: "چاووش اوغلی ونزوئلا مسأله‌سی بوییچه بیانات بیر‌دی"
تشقی ایشلر وزیری مولود چاووش اوغلی، ونزوئلا‌ده میدانگه کیلگن سونگی اوزگریشلر بیلن علاقه‌لی اَیریم لاتین امریکا دولتلری بیلن امریکا قوشمه ایالتلری نینگ ونزوئلانینگ ایچکی ایشلریگه اره‌لشگنینی ایضاحله‌دی. چاووش اوغلی، تورکيه نینگ بو شرطلرده وئزوئلانینگ اقتصادینی دستکلشگه حرکت قیلگنینی ایسله‌تدی.
حریت روزنامه سی: "تورکیه قوراللی کوچلری تل رفا‌تده 12 ته نقطه‌نی نشانگه آلدی"
تورکيه قوراللی کوچلری (TSK)، سوريه نینگ شِمالیده‌گی تل رفا‌ت تومنی یقینیده‌گی شیخ عیسی و حربي قیشلاقلرنی اشغال ایتگن YPG/PKK مکانلرینی نشانگه آلدی. فرات قالقانی عملیاتی اوتکزیلگن حدودده جایلشگن تورکیه قوراللی کوچلری عنصرلری، عفرین نینگ جنوبي شرقیده‌گی تل رفا‌ت تومنیگه باغلیغ شَیخ عیس قیشلاغی بیلن ماری تومنیگه باغلیغ جنوب ده گی هربیل قیشلاقیده گی تشکیلاتگه تیگیشلی مکانلرنی بمباردمان قیلدی.
صباح روزنامه سی: « برات آلبیراق داووسده مهم اوچره‌شوولر عملگه آشیردی"
خزینه و مالیه وزیری برات آلبیراق، سویس نینگ داووس شهریده بولیب اوتگن 49. دنیا اقتصادی ییغینی نینگ (WEF) جلسه سی دایره‌سیده، فرا‌نسه مالیه وزیری برونو لی ما‌یری و جرمني اقتصاد و انرژی وزیری پتر التما‌ییر بیلن کوریشدی. اوچره‌شووده، تورکيه بیلن بحث موضوعسی اولکه‌لر اورته‌سیده اقتصادي علاقه‌لرنی رواجلنتیریش اوچون فکر المشیلگنی بیلدیریلدی.
ستار روزنامه سی: «50 مملکتگه 300 خیل عافیون لوقومی صادر قیلینماقده"
عافیون قاره حصارده عنعنوي اسلوبی زمانه‌وي تکنالوژي بیلن بیرلشتیرگن بیر شرکت، 4 قطعه‌ده 50 دولتگه 300 تور "عافیون لوقومی" صادر قیلماقده. شرکت نینگ صادراتیدن مسوول دایرکتری مروه چقیجی، "اینگ کوپ صادرات عملگه آشیرگن دولتلر اروپا و کورفز اولکه‌لردیر. بو مملکتلرگه فندوقلی، بادا‌ملی و میوه‌لی لوقوملر یوبارماقده‌میز" دیدی.
