تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه‌سی، «وزیر عبدالحمید گُلدن اسرائیللیک وزیرگه کیسکین جواب» سرلوحه‌سی بیلن بیرگن خبرگه کوره، اسرائیل عدالت وزیری ایا‌لیت شکید نینگ «فلسطینلیک شهیدلرنینگ آنه‌لرینی هم اولدیریش کیره‌ک» دیگن سوزلریدن سونگ، جمهور رئیس رجب طیب ایردوغانگه هم تیل تیگیزگنلیگیگه کیسکین مناسبت بیلدیریلدی.
تورکيه عدالت وزیری عبدالحمید گُل بو حقده تویتیرده شونده‌ی یازدی.
«اسرائیل نینگ ترور تشکیلاتلری YPG و PKK گه یاردم بیریشنی غنیمت دیب اویلب درحال هجومگه اوتیشی بیزنی تعجبگه سالمه‌دی»،-دیب یازدی تورکيه عدالت وزیری عبدالحمید گُل.
وطن روزنامه‌سی، «تجارت وزیری روخسار پیکجان تجارت بوییچه 2019 ییلگه عاید یول ریجه سینی معلوم قیلدی» سرلوحه‌سی بیلن بیرگن خبرده یازیلیشیچه، تورکيه تجارت وزیری روحسار پیکجان جاري ییلده صادرات بوییچه ریکورد قولگه کیریتیلگنینی، 2019 ییلده هم صادراتده‌گی آرتیش دوام ایتیشینی، صادرات نینگ وارداتگه نسبتاً آرتیشی دوام ایتیشی تخمین قیلینگنلیگینی معلوم قیلدی.
ستار روزنامه‌سی، «استانبول تجارت اتاقی صادراتچیلر اوچون 38 ته کورگزمه آلیب باره دی» سرلوحه‌سی بیلن بیرگن خبرگه کوره، تورک محصولاتلرینی کورگزمه‌لر واسطه‌سیده دنیاگه تنیتیشنی مقصد قیلگن استانبول تجارت اتاقی باشلیغی شکیب اَوداگیچ 2019 ییلنی صادرات ییلی دیب اعلان قیلدی.
«2019 ییلنی صادرات ییلی دیب اعلان قیلدیک. 2019 ییلده توپلم 38 ته خلق‌ارا کورگزمه‌ده اشتراک ایته‌میز. جنوری آییدن دسامبر آییگچه معلوم وقتلرده عملگه آشیریله‌دیگن کورگزمه‌لرده توپلم 900 شرکتیمیز اشتراک ایته‌دی. اوشبو شرکت‌لر تورک محصولاتلرینی نمایش قیله‌دیلر»،-دیدی.
یینی شفق روزنامه‌سی، «تورکيه عالي مجلسیده افغانستان تذکره‌سی قبول قیلیندی» سرلوحه‌سی بیلن بیرگن خبرگه کوره، تورکيه عالي مجلسی عمومي کینگشیده اساسی قانون نینگ 92-مادّه‌سیگه بناءً ناتو دایره‌سیده افغانستانگه عسکر یوباریش مدتینی ینه 2 ییلگه اوزه‌یتیریش توغریسیده‌گی لایحه قبول قیلیندی.
حکومتگه بیریلگن رخصت مدتی 2019 ییل 6 جنوری کونیدن اعتباراً ایکّی ییلگه اوزه‌یتیریلدی.
صباح روزنامه‌سی، «اروپا اتوم تدقیقاتلر مرکزیده تورک عیال خواجعینلر نینگ سانی کوپه‌یماقده» سرلوحه‌سی بیلن بیرگن خبرده یازیلیشیچه، تورکيه 2015 ییلده اروپا اتوم تدقیقاتلر مرکزیگه اعضا بولدی. اوتگن وقت مابینیده تورک شرکت‌لری اروپا اتوم تدقیقاتلر مرکزی قاشیده اوتکزیلگن دواطلب لیک جریانیده کتّه امکانیتلرگه ایریشدی.
تورک صناعتچیلر عالي تکنالوژي بیلن ایشلب چیقریش و محصولات تورلرینی آشیریش بوییچه فعالیتلرینی تیزلشتیردی. اروپا اتوم تدقیقاتلر مرکزیده‌گی پروژه لر بوییچه تشکیل قیلینگن دواطلب لیکلرده یوتوقلی بولگن تورک تجار عیاللر سانی 20 فایزدن آشدی.
تورک عیال خواجعین لرنینگ اروپا اتوم تدقیقاتلر مرکزیده‌گی پروژه لرده قولگه کیریتگن موفقیتلری، توتگن اورنی یاش عیال تجارلرگه اورنک بولماقده.
