تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: «وزیر خلوصی آقر تروریزمگه قرشی کوره‌ش توغریسیده بیانات بیردی» سرلوحه‌سی بیلن بیرگن خبرگه کوره، تورکيه ملي مدافعه وزیری خلوصی آقر: «قطع لیک بیلن کوره‌ش نتیجه‌سیده ترور تشکیلاتیده جدّي چوکیش یوزه‌گه کیلدی، ترور فعالیتلری چیکلندی»،-دیدی.
برچه ترور تشکیلاتلریگه قرشی قتّيق کوره‌ش آلیب باریله‌یاتگنلیگینی معلوم قیلگن خلوصی آقر، «بو کوره‌ش خلقیمیز تینچلیگی اوچون اوته شرط و مجبوري دیر»،دیدی.
یینی شفق روزنامه سی: «غرا و ها‌کورک اوریلدی، 10 تروریست اولدی» سرلوحه‌سی بیلن بیرگن خبرگه کوره، تورکيه قوراللی کوچلری 15-16 دسامبر کونلری عراق نینگ شمالیده جایلشگن غرا و ها‌کورک حدودلریده‌گی ترورچیلرگه ضربه بیردی.
تورکيه قوراللی کوچلری توناون کونی بو حقده بیانات بیردی.
بیاناتگه کوره، ترور تشکیلاتیگه تیگیشلی کوپلب باش‌پناه و غارلر ویران قیلینگن.
شو بیلن بیرگه، حدودده‌گی حربي مرکز‌گه هجوم اویوشتیرماقچی بولگن 10 تروریست یوق قیلیندی.
ستار روزنامه سی، «سیاحلر ینه تورکيه‌نی تنله‌دی» سرلوحه‌سی بیلن بیرگن خبرگه کوره، 2018 ییل نینگ نوامبر آییده بودروم قونلغه سیگه کیلگن خارجلیک سیاحلر سانی اوتگن ییل نینگ نوامبر آییگه نسبتاً 61.61 فایز آرتیش کورسه‌تدی.
بودرومگه اساسن انگلستان، روسيه، پولند، آلمان، هالند و اوکراین کیلگن سیاحلر کوپچیلیکنی تشکیل قیله‌دی.
حریت روزنامه سی، «تورک طعاملری دنیا دسترخانلریگه مزه قوشماقده» سرلوحه‌سی بیلن بیرگن خبرگه کوره، ازمیرده فعالیت کورسه‌تگن تورک شرکتی یاپذاق سرمه، هوموس و خام کوفته کبی تورک طعاملرینی تورکلر کوپ بولیب یشه یدیگن 14 مملکتگه صادر قیلماقده.
ایچکی بازاردن کیلگن طلبلرگه بناءً، 1991 ییلده ساووق یخنی طعاملر ایشلب چیقره باشله‌گن ایکّی تشبث کار بویورتمه‌لر کوپه‌ییشی بیلن توربه‌لی تومنیده تیار یخنی طعاملر ایشلب چیقره‌دیگن کارخانه انشا ایتدی.
بیرینچی ییللرده کارخانه‌ده حیدري و سرمه پیشیریلیب چیتگه صادر قیلیندی. کیینچه‌لیک اوشبو یخنی طعاملر 250 خیلگه چیقریلدی و حاضرده خارج مملکتلرگه صادر قیلینماقده.
اینیقسه، تورکلر کوپ بولیب یشه گن اروپا مملکتلریگه محصولات صادر قیله‌یاتگن اوشبو شرکت ییلده 3 میلیون دالر درآمدگه ایگه بولدی.
صباح روزنامه‌سی، «ایرجيیسده موسم آچیلدی» سرلوحه‌سی بیلن بیرگن خبرگه کوره، تورکيه نینگ اینگ کتّه اسکی مرکزلریدن بیری جایلشگن ایرجيیس تاغیده اسکی موسمی باشلندی.
اسکی موسمی آچیلیشی بیلن بو هفته ایرجيیسگه 15 مینگ کیشی کیلدی. شو بیلن بیرگه ایرجيیسده قیش سپورتلری میدانلری هم خدمت بیره باشله‌دی. ایرجيیسده اسکی سیورلر موسم نینگ ذوقینی چیقرماقده.
