تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامهسی: جمهور باشلیغی ایردوغان تاریخي اوچره شووگه اعتبار قرهتدی. جمهور باشلیغی رجب طیب ایردوغان رسمی تشریف بیلن جنوبي کوریاگه بارر ایکن پایتخت سیولدهگی جمهور رئیس لیک سراییده جنوبي کوریا جمهور باشلیغی مون جای-این بیلن تقریباً 1 ساعت دوام ایتگن اوزارا اوچرهشوو اوتکزدی. جمهور باشلیغی ایردوغان مذکور اوچرهشووده شمالي کوریا رهبری کیم جانگ-اون بیلن جنوبي کوریا دولت رهبری مون اوچرهشوویگه اعتبار قرهتیب بو حقده، «بوتون دنیانی قمرهب آلگن قورقوو و تشویشلرنی یوق قیلگن اوچرهشوو بولدی دیسک مبالغه بولمهیدی. امید قیلهمیزکی قرارلیلیک بوندن کیین هم دوام ایتهدی» دیدی.
خبر تورک روزنامهسی: چاووش اوغلی لاوروف بیلن سوريه مسألهسینی قولگه آلدی. تورکيه جمهوریتی تشقی ایشلر وزیری مولود چاووش اوغلی روسیهلیک کسبداشی سیرگیی لاوروف بیلن تیلفون آرقهلی ملاقات قیلدی. چاووش اوغلی بیلن لاوروف مذکور ملاقاتده سوريه و حمص منطقهسیدهگی آخرگی وضعیتنی قولگه آلدی.
ستار روزنامهسی: البانيا باش وزیری رم FETÖ/PYD ترور تشکیلاتلرینی خوفلی ترماق ایکنلیکلرینی قید ایتدی.
البانيا باش وزیری ایدی رما فتح الله چی ترور تشکیلاتی موازی دولت توزیلمهسی نینگ خوفلی ترماق ایکنلیگینی قید ایتدی. رما، البانيا نینگ «Ora News» تلویزیون کانالیده، «تورکيهده سیلاو یولی آرقهلی، قانوني طرزده توزیلگن حکومتنی قورال یولی آرقهلی تونتریشگه تشبث قیلگن خوفلی ترماق بارلیگینی ایتیشیم ممکن. البانياده اوشبو ترماققه قرهشلی ایکنلیکلری تخمین قیلینگن کیشیلر، البته نظارتیمیز آستیده» دیدی.
وطن روزنامهسی: تورک آقیمی تورکيه چیگرهسیگه ییتیب کیلدی.
تورک آقیمی پروژهسی نینگ تورکيه حدودیدن اوتووچی گاز پیپ لاین نینگ چقور دینگیز قوریلیشی تماملنیب، تورکيه نینگ قاره دینگیز قیرغآغیگه ییتیب کیلدی. قوریقلیکدهگی فعالیتلرنینگ نتیجهلنیشی بیلن بیرگهلیکده بیرینچی مرحله بوتونلهی تماملنگن بولهدی و بیرینچی گاز 2019-ییل نینگ دسامبر آییده بیریله باشلهیدی.
صباح روزنامهسی: ملي کورهشچی رضا قایا آلپ اروپا قهرمانی بولدی.
اروپا کورهشی بوییچه 130 کیلو گرام وزن قطاریده کوچ سینهشگن رضا قایا آلپ فاینلده روسیهلیک ویتالی شچورنی 2-1 حسابیگه مغلوب قیلیب، آلتین مدالنی قولگه کیریتدی. روسیه فدراسیونی ترکیبیدهگی مونته نگرو جمهوریتی نینگ کسپيسکی شهریده گریکمان کورهشی بوییچه اویوشتیریلگن اروپا مسابقه لریده 130 کیلو گرام وزن بوییچه کوچ سینهشگن رضا قایا آلپ، آلتین مدالنی قولگه کیریتدی. ملي کورهشچی اروپا بیلشوویده کیتمه-کیت 9-مراتبه فاینل مسابقهسیگه چیقدی.