تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی، «ایردوغاندن لاوروفگه جواب» سرلوحهسی بیلن بیرگن خبرگه کوره، تورکيه جمهور باشلیغی رجب طیب ایردوغان تورکيه عالي مجلسیده آق حزب گروه ییغیلیشیدن سونگ ژورنالیستلر نینگ سواللریگه جواب بیردی.
ایردوغان روسیه تشقی ایشلر وزیری سیرگیی لاوروف نینگ «عفرین سوريه حکومتیگه تاپشیریلیشی کیرهک» دیگن سوزلریگه مناسبتینی بیلدیرر ایکن، «بو یانداشوو کتّه خطادیر. بیز عفریننی کیمگه تاپشیریشیمیزنی یخشی بیلهمیز»،دیدی.
وطن روزنامه سی: «ایردوغاندن مسلمان دولتلرگه زکات تکلیفی» سرلوحهسی بیلن بیرگن خبرگه کوره، تورکيه جمهور باشلیغی رجب طیب ایردوغان جمهور رئیسلیک اوییده تورک همکارلیک و موافقلشتیریش موسسه سی تیکا هیئتینی قبول قیلدی.
«اساسن، نفت اوله راق بای مسلمان دولتلرگه شونی اَیتماقچیمنکی، مسلمان دولتلر زکات مقدارینی انیقلب، فقیر، کمبغل دولتلرگه بیرسه بایلیگی کمهییب قالمهیدی»،-دیدی.
خبر تورک روزنامه سی، «ملي استخبارات تشکیلاتیدن ینه بیر چیگره آرتی عملیات. فتو حرکتیگه اعضا 3 کیشی تورکيهگه کیلتیریلدی» سرلوحهسی بیلن بیرگن خبرگه کوره، اورته افریقاده جایلشگن گبون جمهوریتیده فتح الله چی ترور تشکیلاتی موازی دولت ساختاری حرکتی (FETÖ/PDY) فعالیتیگه ضربه اوریلدی. تورکيه ملي استخبارات تشکیلاتی فتو حرکتی نینگ گبوندهگی مؤسسهلریگه قرشی عملیات اوتکزدی.
عملیاتده (FETÖ/PDY) حرکتیگه اعضا 3 کیشی قولگه آلیندی. بو شخصلر گبون نینگ پایتختی لیبریویلدن مخصوص اوچاقده تورکيهگه کیلتیریلدی و عدالتگه تاپشیریلدی. اوشبو شخصلر اوستیدن تیرگاو دوام ایتماقده.
ستار روزنامه سی، «اسیلساندن ASELSAN 42.7 ملیون دالرلیک شرطنامه» سرلوحهسی بیلن بیرگن خبرگه کوره، تورک مدافعه صناعتی نینگ ایلغار کمپنیلریدن بیری بولگن حربي الکترونیک صناعتی اسیلسان 42 ملیون 706 مینگ 850 دالر قیمتیده شرطنامه امضالهدی.
کیلیشوو اساسیده، اسیلسان پرییومنیک جهاز و ترانسپورت تیزیملرینی ایشلب چیقرهدی. بویورتمهلر 2018-2019 ییللرده تاپشیریلهدی.
حریت روزنامه سی، ایجزاجی باشی قهرمان بولدی
خاتین – قیزلر CEV کپ مسابقه لری فاینل بیلشوویده تورکیه نینگ ایجزاجی باشی جماعه سی بلاروس جماعه سی Minchanka Mink گروهینی 3-0 مغلوبیت گه اوچره تیب قهرمان بولدی. خوددی شو جماعه شو بیلن اوچونچی مرته بو کپ نی قولگه کیریتگن بولدی.