تورکیه مطبوعاتیدن خلاصه لر 20.01.1397

وطن روزنامه سی, تورکیه جمهوریتی نینگ, سوریه نینگ دوما شهریده یوشتیریلگن کیمیاوی هجوم نی قتتیق قاره له گن لیگی نی معلوم قیلماقده. 

خبرده, تورکیه جمهوریتی تشقی ایش لر وزیرلیگی تامانیدن بیریلگن بیاناتده, "کیمیاوی قورال لردن فایده له نیش بوییچه تجربه سی بولگن لیگی جمعیت تامانیدن بیلینگن رژیم نینگ اوشبو هجوم نی اویوشتیرگن بولیشی بوییچه اشارت لر موجود" دییه قید ایتیلگن لیگی بیلدیریلماقده. 

روزنامه, بیاناتده, سوریه نینگ دوما شهریده اویوشتیریلگن زهرلی گاز محتواسی بولگن کیمیاوی هجوم نینگ قتتیق قاره لنگن لیگی نی یازماقده. 

خبرده, بیاناتده, دوما گه قره ته ینه بیر کیمیاوی هجوم عاقبتیده کوپلب عادی اهالی نینگ جان بیرگن لیگی نینگ تورکیه نی جوده هم خفه قیلیب قویگن لیگی نینگ قید ایتلیگن لیگی بیلدیریلماقده. 

ینی شفق روزنامه سی,  عدالت و توسعه حزبی وان ولایتی کنگره سیده معروضه قیلگن ترکیه جمهوریتی جمهوررئیسی رجب طیب اردوغان نینگ, "اوتگن ییلده وان ولایتی گه جوده هم کوپ توریست کیلدی.  وان ولایتیده ینگی بیر دور نینگ باشله تیلیشی اوچون قدم تشله ماقده میز.  سونگگی 15 کونده وان ولایتی گه کیلگن ایران لیک توریست لرنینگ سانی 169 مینگ کیشی گه کوتریلیب کیتدی" دییه قید ایتگن لیگی نی بیلدیرماقده. 

حریت روزنامه سی, ترکیه جمهوریتی باش وزیری بنعلی ییلدیریم نینگ افغانستان گه قیلگن سفری دایره سیده افغانستان اجرائیه رئیسی عبدالله عبدالله بیلن مشترک بیر مطبوعاتی کنفرانس ترتیب له گن لیگی نی یازماقده. 

خبرده, افغانستان دن تورکیه گه کوپ سانده افغانستان لیک لر نینگ قاچاق کیلیاتگن لیگی نی بیلدیرگن ییلدیریم نینگ, "قانونی روشده کیلگن کیشی لر باشی میز نینگ تاجی.  بیراق, قاچاق کیلیاتگن کیشی لر کتته قیین چیلیک لر گه سبب بولماقده.  ایچکی ایشلر وزیرلیگی مفید فعالیت لر آلیب بارماقده.  موجود امکانیت لر دایره سیده اوشبو کیشی لرنینگ کونگللی بیر شکلده افغانستان گه قیتریب یوباریلیش لری خصوصیده فعالیت لر آلیب باریلماقده" دییه قید ایتگن لیگی معلوم قیلینماقده. 

صباح روزنامه سی, تورکیه جمهوریتی انرژی و طبعی منبع لر وزیری برات آلبیرق نینگ, استانبولده قیلگن بیر صحبتیده, "60 ییلدن بیری اویلب یورگن ایدیک. شونده ی قیلیب ایلک هستوی سنترالی میز نینگ تهدابی نی قویدیک.  تورکیه ایچکی و تشقی عملیات لر گه قرشی کتته دن کتته یوتوق لر قولگه کیریتماقده" دییه قید ایتگن لیگی نی ایسلتماقده.

خبرترک روزنامه سی, توریزم مرکزی دن عبارت تورکیه نینگ انتالیا ولایتی آلانیا اولسواللیگی نینگ, تاریخی یریم ارالی بیلن میلاد دن آلدین و میلاد دن کیین یشب اوتگن کوپلب مدنیت لر نی اوز بغری گه باسگن لیگی نی معلوم قیلماقده. 

خبرده, انادولو سلجوقی دولتی نینگ یاز آیلریده گی پایتختی هم بولگن آلانیا ده گی کلیوپاترا قیرغاغی نینگ هر ییل تقریباً 2 میلیون توریست نی کوتیب آلیاتگن لیگی بیلدیریلماقده.