تورکیه نینگ مطبوعات خلاصه لری

خبر تورک روزنامه سی، ایردوغان امریکا قوشمه ایالتلریگه مدت اوچون جواب بیردی

سوریه نینگ عفرین منطقه سیده گی تروریستلرگه قره ته باشله تیلگن عملیات اوچون "مدتی معلوم بولیشی کیره ک، اوزاق مدتلی بولمس لیگی کیره ک" دیب ایتگن امریکا قوشمه ایالتلریگه جمهور رئیس رجب طیب ایردوغان، افغانستانگه سیزنی مدتینگیز معلوم بولدی می؟ قچان توگه یدی؟ بیز 2002 – ییلی اقتدارگه کیلمسدن آلدین عراققه کیردینگیز. حاضرگچه او جایده سیز. ایندی سوریه گه کیردینگیز؟ بونینگ مدتی بوله دی می؟ دیب عکس العمل کورستدی.

وطن روزنامه سی، ضربه ییگن ترور تشکیلاتی گه فکر ضدلیگی یوز بیرماقده.

PKK/YPG لیک تروریستلر عفرین شهر مرکزیگه قره ته وسعت تاپگن عملیات بیلن تیگیشلی اوله راق اوز ایچلریده فکر ضد لیگی یشه ماقده لر. بیر قطاری شهرنی اسد حکومتی گه تسلیم بیرماقچی. دمشق اداره سی بیلن 3 کون جریانیده 7 بار اوچره شوو اوتزیلگنی ایتیلماقده. گروه نینگ ایچیده گی ایریم بیر گروپ عفریننی روسیه گه بیرماقچی. لیکن بونی روسیه نینگ رد ایتگنی هم ایتیلماقده. باشقه تاماندن اولرنینگ اوچونچی گروپی تینچ اهالی نینگ منطقه دن چیقیشی گه رخصت بیرمه ی توقنه شوو تیارگرلیگی آلگنی معلوم قیلیندی.

صباح روزنامه سی، 80 ملیون بیردملیک ایچیده،

جنوب اناطولی خلقی ترور تشکیلاتی پی کاکا PKK/PYD-YPG نینگ ناتوغری تبلیغی گه قره ته معقول جوابنی اوی – جای و ایش جایلریگه بیراق آسیب بیردیلر. مملکت مقیاسیده عفرین عملیاتی حمایه قیلیش اوچون بیراق آسیلگن. تورکیه نینگ هر جاییده وطنداشلر تورک عسکرلرینی حمایه قیلیب تورگن. انچه انسان افتخاری عسکرلیک قیلیش اوچون کمیسارلیک شعبه لریده قطار بولیب تورگن.

یینی شفق روزنامه سی، عفرینده PKK/PYD- داعش کیلیشووی

ترور تشکیلاتلری PKK/PYD بیلن داعش اورته سیده کیلیشیش یوز بیردی و PKK/PYD ترور تشکیلاتی قماقخانه ده گی داعش لیک تروریست اعضالرینی تورک قوراللی کوچلری و آزاد سوریه اردوسیگه قرشی اوروش قیلیشلری شرطی بیلن آزاد ایتدی. بولر بوندن آلدین هم امریکا قوشمه ایالتلری نینگ معلوماتی بیلن رقه شهر مرکزیده قولگه آلگن داعش لیک تروریستلر بیلن کیلیشیب، منطقه دن قویبرگن ایدی. بولرنینگ کتته قسمی تورکیه گه اوتیش اوچون چیگره حدویگه کیلگن ایدی.

ستار روزنامه سی، زیتون یاله سی حرکاتی دالرنینگ بهاسینی هم قوییگه کیلتیردی

زیتون یاله سی حرکاتی بازارنینگ مثبت آلغه باریشی گه باعث بولدی. عفرین عملیاتی نینگ آرتیدن 3،85 تناون ایرته لب 3،82 توشدن کیین 3،79 گه کیلدی. بوسانینگ مفادی ایسه 1 فایزنی اوتیب کیتدی.