ترکیه نینگ مطبوعات خلاصه لری 16.01.1396

ترکیه نینگ مطبوعات خلاصه لری 16.01.1396

خبر ترک روزنامه سی ایردوغان نینگ "تیز او بیراغینگیزنی توشیرینگ بولمسه پشیمان بوله سیز" دیگن لیگینی یازماقده:

روزنامه، جمهور رئیس رجب طیب ایردوغان زونگولداق ده عملگه آشیرگن صحبتیده، عراق نینگ کرکوک شهریده ملی بیراقدن تشقری ایریم بیراق نینگ آسیلیشی نینگ ینگلیش ایکن لیگینی ایتدی. ایردوغان "او بیراقلرنینگ ایگه لری شونی بیلیشلری کیره ک، جدائی گرلیک قیلماقده لر. مین عراق منطقوی کورد اداره سیگه ایته من. بو ینگلیش گه مرتکب بولمنگ. کرکوک کوردلرنینگ دیر دیگن گپ لرنی ترکیه اوله راق بیز قبول قیلمه ی میز. کرکوک او جایده گی ترکمن، عرب و کورد اوله راق همه سی نینگ دیر. بونقه بیر ادعا گه مرتکب بولمنگ. بونینگ جزاسی آغیر بوله دی. ترکیه بیلن مناسبت نیگیز خراب بوله دی. تیز او بیراق نی توشیرینگ. بولمسه شو کیلگن آدیمدن قیتیش گه مجبور بوله سیز، دیب ایتدی.

یینی شفق روزنامه سی کیمیاوی وحشت دیب یازگن خبریده:

غرب، ایران و روسیه تامانیدن حمایه قیلینگن سوریه حکومتی، تناون کون ترکیه چیگره سیده گی ادلب ده وحشی بیر قتل عام قیلدی. خان شیخون قصبه سینی سارین گازی بیلن بمباردمان قیلدی. کوپراغی باله 100 آرتیق کیشی جان بیردی. 500 نفر یره لندی. یره دارلر انتقال بیریلگن شفاخانه و یارد ایتووچی گروه لر هم آماج قرار بیریلدی. چیگره ده گی ادلب گه ترکیه یاردم اوچون چاپیب باردی. تقریباً 30 امبولانس حدودن ادلب گه باریب وخیم بولگن یره دارلرنی ختای نینگ ریحانلی اولوسوال لیگی گه کیلتیردی. قیزیل یریم آی و انسانی یاردم بنیادی عاجل دارو اوچون دعوت قیلگن لیگینی یازماقده.

وطن روزنامه سی IFC دن ترکیه گه 1 ملیارد دال یاردم دیب یازگن خبری نینگ دوامیده:

خلق ارا اقتصادی تمویل اداره سی (IFC) ترکیه مدیری آیشا ویلیمز، ترکیه ده مالی اداره لرگه ییل نینگ آخری گچه مهم درجه ده سرمایه گذارلیکلری بولرلیگینی معلوم قیلیب، "30 – جولای 2017 ده نهائی بولگن بو مالی ییلده حاضرگچه تقریباً 500 ملیون دالر سرمایه گذارلیگیمیز بولدی. ییل نینگ آخری گچه اقتصادی موسسه لر بیلن پروژه لرنی هم اوز ایچیگه آلگن تقریباً 500 ملیون دالر سرمایه گذارلیک بولرلیگینی تخمین قیله من. یعنی جاری ییل جریانیده تقریباً 1 ملیارد دالر سرمایه گذارلیک نی ریجه له گن میز دیگن لیگینی یازماقده.

صباح روزنامه سی 3 کیشی چیت ایل لیک بیر کیشی ترکیه لیک 500 ملیون یورولیک ساحل شهری قوره دیلر:

خارجی سرمایه گذارلر ترکیه گه علاقه کورستیب تورگن. بونگه مثال استانبول بویوک چیکمه جه ده قوریله دیگن بویوک پروژه دیر. آلمان و سویس لیک سرمایه گذارلردن عبارت 3 کیشی ترک شریکی بیلن قورگن ییدی تپه مارینا، 500 ملیون یورو سرمایه گذارلیک ارزشی بیلن استانبول ساحل پروژه سینی عملی قیله دیلر. هوتل، مارینا و بازاردن عبارت پروژه نینگ 2018 – ییلی نینگ آخری گچه نهائی بولیشی کوتیلماقده دیب یازماقده.

حریت روزنامه سی ترک سریال لری دنیا مقیاسیده ایککینچی بولیب تورگن دیب یازماقده:

روزنامه، سونگی 10 ییل جریانیده سرعتلی بیر شکلده رشد قیلگن ترک سریال لریگه چیت ایلده علاقه لر کون سایین آرتیب بارماقده. امریکا قوشمه ایالتلریده variety.com ده نشر بولگن بیر مقاله ده، ترک سریال لری نینگ دنیا مشهور بولیب بارگن لیگینی، ترکیه نینگ سریال صادراتی ساحه سیده امریکا قوشمه ایالتلری نینگ آرتیدن 2 نچی اوریننی آلیب تورگن لیگی بیلدیریلدی. مذکور یازووده اینیقسه لاتین امریکاده کوپ جدی بیر شکلده تماشاچی گه ایگه ایکن لیگی اینگ کوپ تماشا بولگن 15 پروگرام آره سیده ایکن لیگینی معلوم قیلگن. بو پروگراملردن 4 ته سی نینگ ترک سریالی ایکن لیگینی و ترک سریال صادراتی نینگ 350 ملیون دالرگه بارگن لیگی گه اشاره قیلینگن دیب یازماقده.