ترکیه نینگ مطبوعات خلاصه لری 10.12.1395

ترکیه نینگ مطبوعات خلاصه لری 9.12.1395

یینی شفق روزنامه سی: رقه اوچون فعالیت آلیب باریلماقده دیب یازگن:

روزنامه، رقه نینگ داعش نینگ قولیدن تمیزلنیشی اوچون پلان ریجه لنماقده. جمهور رئیس رجب طیب ایردوغان، ملی مدافعه وزیری فکری ایشیق و قوراللی کوچلر قومندانی خلوصی آقر بیلن اوچره شیب، رقه عملیاتینی کوریشدی. 42 کوندن بیری انقره – واشنگن اره سیده دوام ایتیب تورگن اوچره شوولر نهائی بولیب بارماقده. پنتاگون 48 ساعت جریانیده رقه عملیاتی نینگ پلانلرینی انقره گه تقدیم ایته دی. انقره – واشنگن اره سیده دوام ایتیب تورگن دیپلوماتیک اوچره شوولرده، حرکات اوچون آقچه قلعه – تل ابیض گذرگاهی احتمالی کوپراق کوریلماقده. 4 مینگ کیشی ترک عسکری بیلن 6 مینگ آزاد سوریه اردوسی اعضاسی نینگ عملیات جریانی گه اشتراک ایتیشی کوتیلماقده، دیب یازگن.

صباح روزنامه سی: الباب اوچون الجرابلس شکلی عملی بوله دی دیب یازگن خبری نینگ دوامیده:

ترور تشکیلاتی داعش نینگ قولیدن نجات بیریلگن سوریه نینگ الباب شهری اوچون الجرابلس ده عملی قیلینگن تخنیک آلیب باریله دی. اولاً شهرنینگ غذائی مواد و صحی کبی اساسی ضرورت لری برطرف ایتیله دی. اوزاق زماندن بیری دوام ایتیب تورگن برق و سووسیزلیک مسئله سی اولویت بیریله دیگن مسئله لردن بیرته سی دیر. ضرر کورگن تورلی زیر بنائی پروژه لر قیته دن قوریله دی. شهر بدرغه بولیب کیتگن خلق اوچون تیار قیلینه دی. یاش – ییگیتلر اوچون اوقوو امکانیتی و محلی پولیس تشکیلاتلری ایجاد ایتیله دی. ترکیه بو مرحله ده تورلی لوجیستیک همکارلیک عملگه آشیره دی. ابتدائی ضروریات نینگ برطرف ایتیلیشی بیلن شهرده گی مکتبلر قیته دن بنا ایتیلیب، باله لرنینگ مکتب گه باریش لری تأمین ایتیله دی. مسکونی بنالرنینگ هم حل قیلینرلیگینی یازماقده.

خبر ترک روزنامه سی: مودرن ایپک یول اوچون اوچره شوو بولیب اوته دی دیب بیرگن عنوانیده:

چین دولت باشلیغی شی جین پینگ، مودر ایپک یول پروژه سینی عملی قیلیش اوچون 14-15 نچی می تاریخلریده چین نینگ پایتختی پکین ده 65 اولکه نینگ رهبرلری بیلن اوچره شه دی. جین پینگ جلسه گه جمهور رئیس رجب طیب ایردوغاننی هم دعوت ایتگن. مودرن ایپک یول، چین دن غرب گه زمینی و دینگیز ترانسپورت نی تأمین ایتووچی اقتصادی بیر حرکت اوله راق اورته گه چیقدی. ایردوغان، 2015 – ییلی پکین سفریده، ترکیه نینگ بو پروژه گه کوپ اهمیت بیرگن لیگینی معلوم قیلیب، ایپک یول پروژه سی و بو چوکاتده آلیب باریله یاتگن زیر بنائی فعالیتلرده چین بیلن کیلیشدی. مودرن ایپک یول اوچون تورلی اولکه لرده ریجه لنگن سرمایه گذارلیک لرنینگ برچه سی ترکیه ده گی پروژه لر بیلن قوشیله دی. چین، ترکیه نینگ بو پروژه ده گی موجودیتی گه اهمیت بیره دی. دیب یازماقده.

ستار روزنامه سی: اروپا بیرلیگی گه صادرات 60 فایزگه باره دی:

اقتصاد وزیری نهاد زیبکچی، اروپا بیرلیگی بیلن ترکیه آره سیده گی گمرک بیرلیگی کیلیشووی نینگ قیته دن عملی قیلینیشی بیلن بو بازارگه قره ته اخراجات نینگ 49 فایزدن 60 فایزگه باررلیگینی ایتدی. زیبکچی بو ییل ویا 2018 – ییل گچه ترکیه بیلن اروپا بیرلیگی اره سیده گی گمرک بیرلیگی کیلیشووی نینگ غذا، زراعت و الکترونیک تجارتینی اوز ایچیگه آله دیگن شکلده بولرلیگینی بیلدیرگن لیگینی یازماقده.

وطن روزنامه سی: روس توریست لر ترکیه گه بو ییل وقتراق کیله دیلردیب یازگن خبریده:

ترکیه گه عموماً جون، جولای و اگست آیلریده کیلگن روس توریستلر بو ییل وقتراق کیله دیلر. وقتراق جای اجره تیش پروسه سی کوپه لگن. کوپراق انتالیا ترجیح ایتیلماقده. 2014 – 2015 ییل لرده 4.5 ملیون دن آرتیق روس توریست کیلگن ایدی. بو ییل شو پیله یالغیزگینه انتالیا اوچون 4 ملیون بولگن، دیب یازماقده.