ترکیه نینگ مطبوعات خلاصه لری 19.11.1395

ترکیه نینگ مطبوعات خلاصه لری 19.11.1395

خبر ترک روزنامه سی: ترکیه دارائی صندوقی دنیا مقیاسیده ایلک 10 صندوق قطاریگه کیره دی دیگن خبریده:

دنیا مقیاسیده 40 دن آرتیق اولکه ده تقریباً 80 دارائی صندوقی موجود. ناروی، سعودی عربستان، کویت و قطر کبی اولکه لر نفت بیلن تیگیشلی دارائی صندوق لری بیلن دنیا مقیاسیده یوقاریده گی قطارلرگه اورین آلماقده لر. میلادی 2016 – ییل مارچ آییدن بیری ناروی 885 ملیارد دالر بیلن بیرینچی لیک اوریننی آلیب تورگن. 813.8 ملیارد دالر بیلن چین ایککینچی اورینده تورگن. قیسقه مدت جریانیده 200 ملیارد دالرگه ییتیب باریشی کوتیلگن ترکیه دارائی صندوقی نینگ 193.6 ملیارد دالر حجم ده گی سنگاپور تیماسک صندوقی نی اوتیب دنیا مقیاسیده 12 – قطارگه ییتیب باریشی کوتیلماقده دیب، یازماقده.

حریت روزنامه سی: 7 کیین تل عفیف گه سفر اویوشتیریلدی دیب یازگن خبری نینگ دوامیده:

توریزم ده ترکیه نینگ آماج لریدن بیرته سی بولگن و میلادی 2017 نچی ییل 1 ملیون توریست کیلیشی کوتیلگن اسرائیل بیلن مناسبت توسعه قیلیب بارماقده. 7 ییل نینگ آرتیدن ایلک بار بیر ترک وزیر اسرائیل گه سفر قیلدی. تل عفیف ده گی توریزم نمایشی گه اشتراک قیلگن توریزم و مدنیت وزیری نبی آوجی " ایککی اولکه آره سیده گی مناسبت توسعه قیله دی" دیگن لیگینی یازماقده.

صباح روزنامه سی: الکتریک تولیدی اوچون ینگی بیر مودل و ینگی مرحله دیب یازماقده:

روزنامه، انرژی و معدن وزیری برات آل بیراق نینگ انرژی ساحه سیده چیت ایللرده وابسته لیک نی کمراق قیلیش اوچون وطنی کومیر آرقه لی برق تولید قیلینیشی بیلن علاقه لی اوله راق انقره نینگ نلی خان اولوسوال لیگیده گی چاییرخان دواطلب لیگی نتیجه گه باردی. الکتریک تولید شرکتی نینگ چاییر خان ده گی برق تولید ایتووچی و کومیر دیپولش ساحه لری نینگ خصوصی لشتیریش دواطلب لیگینی کولین – کلیون انرژی – چیلیکلر مشترک شرکتلر قازاندی. مذکور شرکت 800 میگوات لیک بیر سنترال قوره دی. منطقه گه 1.1 ملیارد دالرلیک سرمایه گذارلیک قیلینه دی دیب یازماقده.

وطن روزنامه سی: شرقی افریقاگه سرعت ریل تیمیر یولی دیگن خبریده:

ترک شرکتی یاپی مرکزی شرقی افریقانینگ ایلک سرعتلی ریل پروژه سی دواطلب لیگینی قازاندی. ترکیه دن یاپی مرکزی و پورتگال دن موتا- انجیل آره سیده ایجاد ایتیلگن مشترک شرکت، تانزانیاده توزه تیله دیگن دارالسلام- موروگورو سرعتلی ریل تیمیر یول پروژه سی نینگ قراردادیگه قول قوییلدی. بو پروژه بیلن افریقانینگ اینگ مهم توریزم مرکزلریدن دارالسلام توریزم و تجارت ساحه سیده رشد قیلیب کیته دی دیب یازماقده.

ستار روزنامه سی: ترک تیلیکوم قاره لرنی فایبر نوری بیلن وصل قیلگن لیگینی یازماقده:

روزنامه، ترک تیلیکوم انتر نیشنل دنیانینگ اینگ مهم و یوکسک ظرفیت لی خلق ارا دینگیز آستی فایبر نوری لین دوانلیک سیستمی SEA-ME-WE 5 نی موفقیت لیک بیلن نهائی قیلدی. ترک تیلیکوم انترنیشنل تامانیدن مرمریس ده توزه تیلگن استیشن نی هم اوز ایچیگه آلگن بو کتته پروژه بیلن اروپادن آسیاگه 20 مینگ کیلومتردن کوپراق بیر مصافه ده 17 اولکه یوکسک ظرفیت لی فایبر نوری بیلن بیراوگه وصل قیلینگن لیگینی یازماقده.