ترکیه مطبوعاتیدن خلاصه لر ۲۴.۰۹.۱۳۹۴

حریت روزنامه سی, روسیه نینگ دینگیز کوچلری گه باغلیق اوروش کیمه سی نینگ, ترکیه دینگیز کوچلری گه عاید بیر تحت البحری نینگ کنترولی آستیدن استانبول تنگه سیدن اوتگن لیگی نی معلوم قیلماقده.
خبرده, خودی منه شو کیمه نینگ دسامبر آیی نینگ ۴ نچی کونیده اوشبو ییردن اوتیتگن پیتده بیر روس عسکری نینگ ییلکه سیده گی راکتی بیلن کون ترتیبی گه کیلیب قالگن لیگی گه دقت قره تیلماقده.
ینی شفق روزنامه سی, عراق نینگ موصل شهریده تعلیمی فعالیتلر دایره سیده حربی موجودیتی نی آرتیرگن ترکیه نینگ, باشیکا منطقه سیده حربی لر گه ایلک مراتبه وظیفه اجرا ایتیش امری بیرگن لیگی نی معلوم قیلماقده.
خبرده, اوشبو بیوروق دایره سیده حربی لر نینگ معلوم بیر قسمی نینگ عراق نینگ شمالی گه جایلشتریلگن لیک لری قید ایتیلماقده.
عینی دمده خبرده, اوشبو حربی لرنینگ داعش نینگ تهدیدی آستیده گی موصل بندی نینگ امنیتی نی آله دیگن لیک لری معلوم قیلینماقده.
روزنامه, ترک حربی لری نینگ اوشبو وظیفه نی پیشمرگ کوچ لریگه تعلیم بیریب اجرا ایته دیگن لیگی نی بیلدیرماقده.
خبرده, اوشبو امر نینگ عراق نینگ مرکزی حکومتی گه قرشی بیر یخشی نیت فعالیتی اوله راق بهالنتریلگن لیگی قید ایتیلماقده.
ستار روزنامه سی, ترکیه نینگ اوروپا بیرلیگی اعضالیگی بیلن علاقه لی اقتصادی و پولی سیاستلر گه تیگیشلی ۱۷ ماده نینگ مذاکره ایتیلیب باشله نیشی نینگ ترک اقتصادی گه مثبت تاثیر قالدیره دیگن لیگی نی یازماقده.
خبرده, سرمایه دار لرنینگ ترکیه نینگ اوروپا بیرلیگی بیلن قیته باشدن مذاکره ایتیب باشله گن لیگینی مثبت بیر حرکت اوله راق بهالنترگن لیک لری ایسله تیلماقده.
وطن روزنامه سی, ترک محصولاتی گه گمرکلرده قیین چیلیک یره تیب باشله گن روسیه نینگ, سنت پترسبورگده موتر پرزه لری بیلن علاقه لی جدی معما لرنینگ پیدا بولیشی آرتیدن, ترک مال لری نینگ روسیه گه آلیب باریلیشی توغری سیده اوز سیاست لری نی اوزگرتیب باشله گن لیگی نی یازماقده.
صباح روزنامه سی, ترکیه جمهوریتی ساغلیق نی سقلش وزیری محمد موذن اوغلی نینگ, ترکیه ده عایله داکتر لیگی سیستمی نینگ اوزگره دیگن لیگی نی بیلدیرگن لیگی نی قید ایتماقده.
خبرده, موذن اوغلی نینگ, ۳ الی ۴ عایله داکتری نینگ موجود بولگن جایلرده, بیر عاجل امبولانس, سایلکولوژیست و تغذیه متخصص لری نینگ موجود بوله دیگن لیگی نی معلوم قیلگن لیگی ایسله تیلماقده.