ترکیه مطبوعاتیدن خلاصه لر ۲۰.۰۹.۱۳۹۴

ینی آکیت روزنامه سی, عراق نینگ شمالیده گی محللی رهبریت نینگ باشلیغی مسعود بارزانی نینگ ترکیه گه قیلگن سفری جریانیده عراق نینگ قندیل منطقه سی نینگ ترور تشکیلاتی پی کا کا دن تصفیه ایتیلیشی بوییچه کیلیشیلیب آلینگن لیگی نی معلوم قیلماقده.
خبرده, بارزانی نینگ ترکیه گه قیلگن سفری نینگ ترور تشکیلاتی پی کا کا و پی ی دی نینگ معصوم انسان لر نی قیرغین ایتیب و دینی ارزش لر گه حمله قیلیب منطقه ده حاکمیت قوریش بوییچه سعی و حرکت لری گه قرشی مهم بیر پیامدن عبارت بولگن لیگی معلوم قیلینماقده.
ستار روزنامه سی, هنگریده گی قانونی سلطان سلیمان نینگ مزاری نینگ, ۴ عصر دن بیری اولکه ده گی اینگ مهم موضوع لر دن بیری بولیب کیلگن لیگی نی ایسلتماقده.
خبرده, زیگیتوار قلعه سی نینگ اونگیده ۴ کیلومتر لیک بیر ساحه ده تحقیقات قیلیب آرشیف لر ده گی نقشه لر بیلن حاضرگی کونده تاپیلگن نرسه لر نی مقایسه قیلگن تحقیقاتچی لر نینگ, قانونی نینگ اورگان لری نینگ کومیلگن جای نی تاپرایکن, اوشبو خصوصده انیق بیر فکر گه ایمس لیگی نی بیلدیرگن لیک لری ایسله تیلماقده.
روزنامه, تاپیلگن مهر سلیمان نینگ ایسه ۹۹ فایز مقیاسیده اوشبو جای نینگ قانونی سلطان سلیمان نینگ مزاری ایکن لیگی نی کورستگن لیگینی بیلدیرماقده.
صباح روزنامه سی, ترکیه نینگ طبعی گاز بیلن علاقه لی روسیه بیلن بولگن بحرانی آرتیدن, اسرائیل نینگ آقدینگیز ده تاپگن طبعی گاز نینگ ساتیلیشی بوییچه ترکیه بیلن همکارلیک نی پیشنهاد ایتگن لیگی گه دقت قره تماقده.
خبرده, پروژه نینگ منطقه ده تینچ لیک نینگ تامین ایتیلیشی گه حصه قوشه دیگن لیگی نی بیلدیرگن متخصصلر نینگ, ترکیه نینگ انرژی دهلیزی ایمس, بلکه انرژی مرکزی گه ایله نیب قاله دیگن لیگی نی بیلدیرگن لیگی ایسله تیلماقده.
روزنامه, متخصصلر نینگ, روسیه نینگ آلدین اوکرائین ایندی ایسه ترکیه بیلن بولگن طبعی گاز بحرانی نینگ, اسرائیل گازی نینگ ترکیه آرقه لی اوروپا گه انتقال ایتتیریلیشی نی مجبوری بیر وضعیت گه کیتیریب قویگن لیگینی بیلدیرگن لیک لری نی یازماقده.