ترکیه مطبوعاتیدن خلاصه لر ۰۱.۰۹.۱۳۹۴

ستار روزنامه سی, ترکیه ده بولیب اوتگن سیلاو لر نتیجه سیده بیرته گینه حزب نینگ حکومتنی قوریش امکانیتی گه ایگه بولگن لیگی سببلی اقتصادی برقرارلیک نینگ تامین ایتیلیشی آرتیدن چیت ایل لیک لرنینگ ترکیه دن اوی آلیش طلب لری نینگ آرتیب کیتگن لیگی نی معلوم قیلماقده.
خبرده, آلینگن معلومات لر گه کوره, سونگگی اون ییلده ترکیه ده ساختمان سکتوری نینگ اقتصاد گه قوشگن حصه سی نینگ ۴,۵ فایز مقیاسیده ایکن لیگی معلوم قیلینماقده.
روزنامه, چیت ایل لیک سرمایه گذارلر جهتی دن امنیت بیر منطقه اوله راق بیلینگن ترکیه ده خارجی لرنینگ اوی ساتیب آلیش طلب لری نینگ کونساین آرتیب باریتگن لیکی نی بیلدیرماقده.
حریت روزنامه سی, آیسلند صنایع و تجارت وزیری نینگ, ترکیه نینگ جیوترمال انرژی ظرفیتی توغری سیده بحث ایتگن لیگی نی ایسلتماقده.
خبرده, ترکیه نینگ بیر مینگ میگا وات لیک جیوترمال انرژی ظرفیتی گه ایگه ایکن لیگی نی بیلدیرگن وزیر نینگ, "آیسلند شرکت لری ترکیه گه کیلیش اوچون کوتیب توریپدی لر" دییه قید ایتگن لیگی ایسله تیلماقده.
صباح روزنامه سی, ترکیه ده سونگگی پیتلرده آلتین معدن لری نینگ تاپیلیپ باشلنگن لیگی نی یازماقده.
خبرده, بیر نیچه وقت آلدین ترکیه نینگ مانیسا ولایتی سوما اولسواللیگیده تاپیلگن و ۱۰۰ تن لیک بیر ظرفیت گه ایگه آلتین معدنی آرتیدن ایندی ایسه, ترکیه نینگ بالیکسیر ولایتی ایورین اولسواللیگی ده ۵۰ مینگ متر مربع لیک بیر ساحه ده ۲ میلیارد دالرلیک آلتین و کومیش معدنی نینگ تاپیلگن لیگی یازیلماقده.
ینی شفق روزنامه سی, تروریزم تهدیدی گه دوچ کیلیب قالگن اوروپا ده حیات نینگ بتونلی توختب قالگن لیگی نی بیلدیرماقده.
خبرده, امنیتی تدبیر لر نینگ اینگ یوقاری سویه گه کوتریلگن بلجیم پایتختی بروکسلده میترو نینگ یاپیلیپ قویلگن لیگی بیلدیریلماقده.
روزنامه, بلجیم باش وزیری نینگ پاریسده گی هجوم گه اوخشش بیر حمله نینگ بولیشی نینگ ممکن ایکن لیگی گه تیگیشلی دلیل لر نینگ موجود ایکن لیگی نی بیلدیرگن لیگی گه دقت قره تماقده.
ینی آکیت روزنامه سی, "دنیا نینگ ترکمن لرنینگ قیرغین ایتیلیشی گه اهمیت بیرمیتگن لیگی کورینماقده" عنوانی بیلن بیرگن بیر خبریده, سوریه ده, روسیه, ایران, لبنانده گی حزب الله و عراق لیق شیعه ملیشه لر تمانیدن حمایه له نیتگن بشار الاسد رژیمی نینگ اوشبو اولکه ده گی ترکمن لر گه قره تیلگن قیرغین فعالیت لری نینگ دوام ایتیتگن لیگی نی معلوم قیلماقده.
خبرده, دنیا نینگ هیچ قنده ی بیر عکس العمل کورستمه گن لیگی سببلی اسد رژیمی نینگ ترکمن منطقه لری گه قره تیلگن اوشبو هجوم لری نی دوام ایتتریتگن لیگی ایسله تیلماقده.
روزنامه, سوریه ده کوبانی نینگ ترور تشکیلاتی پی کا کا و پی ی دی نینگ قولیدن کیتمس لیگی اوچون جدی بیر شکلده فعالیت آلیب بارگن و کوبانیده گی کُرد لرنینگ قیرغین ایتیلگن لیک لرینی بیلدیرگن غرب نینگ, ایندی سوریه نینگ باییر بوجاق منطقه سیده ترکمن لرنینگ قیرغین ایتیلیشی گه اهمیت بیرمیتگن لیگی نی یازماقده.