ترکیه نینگ مطبوعات خلاصه لری 10.8.1395

ترکیه نینگ مطبوعات خلاصه لری 10.8.1395

یینی شفق روزنامه سی: انرژی سکتوری اوچون افریقا تامان جهت بیریلدی دیب یازگن خبری نینگ دوامیده:

گلوبال رقابت نینگ کوپه یگن لیگی بیلن خلق ارا انرژی شرکتلری نینگ ینگی بازار قیدیروویگه کیرگن لیگی، انرژی سرمایه گذارلرینی  افریقاگه قره ب علاقه تاپیشی گه باعث بولگن. ترک سرمایه گذارلر و افریقالیک سرمایه دارلر، تشقی اقتصادی علاقه لر شوراسی تامانیدن 2016 نچی ییل 2-3 نچی نومبرده استانبولده بولیب اوته دیگن ترکیه – افریقا اقتصادی و ایش کینگشیده اوچره شه دیلر. جمهور رئیس رجب طیب ایردوغان نینگ حمایه سی بیلن منطقه ده گی سرمایه گذارلیک امکانیتی، قاره ده گی معدنلر و ایش بجریش امکانیت لری مطرح بولیب اوته دی. ترکیه – افریقا اقتصادی و ایش کینگشیده افریقا اولکه لریدن وزیرلر، خصوصی موسسه لرنینگ اداره چیلری، شرکت نماینده لری، افریقا بیرلیگی و افریقا توسعه بانکی یوکسک مرتبه لی اداره چیلری و افریقا منطقوی اقتصاد جمعیت لری نینگ منشیسی قتنشه دی دیب یازماقده.

ستار روزنامه سی: ترکیه نینگ سنگلاق نفتی گه ایستونیا علاقه کورستماقده دیب یازگن.

روزنامه ایستونیانینگ ایستی انرژی شرکتی نینگ یوکسک مرتبه لی اداره چیسی هندو سوتر شرکتی نینگ دنیاده سنگلاق نفتی بیلن انرژی تولید قیلگن اینگ بویوک شرکت ایکن لیگینی معلوم قیلیب، ترکیه ده گی 1،65 ملیارد تُن معدنی نینگ استفاده، توسعه و سرمایه گذارلرنی تاپیش تاوغریسیده ترک سرمایه گذارلر بیلن بیرگه لیکده ایش قیلیشمیز ممکن، دیدی. ترکیه نینگ سنگلاق نفتی معدنی بولو ولایتی نینگ گوینوک، چوروم نینگ دودورغه، اماسیانینگ مرزیفون، یوزگات نینگ سورگون و کوتاهیانینگ تونچ بیلک و سایی تومر اولوسوال لیکلریده کوپراق موجود دیب یازماقده.

خبر ترک روزنامه سی: 104 ییل نینگ آرتیدن آذان ایتیله دی دیب یازگن خبریده:

مقدونیه نینج جنوب – غرب تامانیده جایلشگن عثمانلی دوریده مرکزی بیر موقعیت گه ایگه منستر شهریده گی حیدر قاضی مسجدینی ایسکی ده گی وضعیت گه کیلتریش اوچون فعالیت آلیب باریلماقده. وقف لر عمومی ریاستی 1561-1562 نچی ییل لر قانونی سلطان سلیمان دوریده مقدونیه نینگ منستر شهریده قاضی حیدر افندی تاماتیدن بنا ایتیلگن حیدر قاضی مسجدینی قیته دن فعالیت گه اوتکزیش اوچون 2015 نچی ییلدن بیری آلیب بارگن قیته دن قوریش فعالیتلرینی بیتکزدی. 104 ییل یاپیق حالتده قالگن و محلی خلق تامانیدن "بالقان لرنینگ ملیکه سی" دیب اتلگن مسجدده 4 نچی نومبر جمعه نمازی بیلن آذان ایتیله دی دیب یازماقده.

حریت روزنامه سی: ایفس ده ترک باستان شناسلر فعالیت آلیب باره دی دیب یازماقده:

روزنامه اتریش نینگ ترکیه گه قره ته منفی دیپلوماتیک مناسبتلری باعث توخته تیلگن باستان شناسلیک قازوولری بیلن علاقه لی مهم پیاملر ترقتگن توریزم و مدنیت وزیری نبی آوجی، اتریش تامانیدن دیپلوماتیک اوله راق مثبت معناده آدیم آتیلمه گن لیگینی، تشقی ایشلر وزیرلیگی بیلن اوچره شیب، تیزلیکده انقی تصمیم آلرلیکلرینی قید ایتدی. ترک باستان شناس لری نینگ معلومات، تجربه و اقتصادگه ایگه ایکن لیگینی اورغولب، کیلگوسی دور ترک باستان شناس لر آرقه لی فعالیت لری نینگ آلیب بارماقچی بولگن لیکلرینی بیان ایتدی دیب یازماقده.

صباح روزنامه سی: تیکانینگ ساغلیق گروهی مظلوم خلق لرگه همکارلیک قیلماقده دیب یاگن خبری نینگ دوامیده:

ترک همکارلیک و روابط نی سقلش اداره سی (تیکا) دنیانینگ هر تامانیگه ساغلیق ساحه سیده همکارلیک عملگه آشیرماقده. یوزلب اولکه ده اینگ مدرن تجهیزاتلر بیلن شفاخانه قورگن تیکا وظیفه الیب بارتگن اولکه لرده استخوان ایلیگی، جراحی پلاستیکی کبی مینگ لب ساحه ده تداوی اوچون داکتر یوبارماقده. تیکا یالغیزگینه 2016 نچی ییل 50 دن آرتیق اولکه گه 196 عدد ساغلیق پروژه سی عملگه آشیرگن. اوشبو پروژه لردن بعضی بیرته سی قوییده گیچه:

بیشکیک ده قیرغیز- ترک دوستلیک شفاخانه سی، اوزبیکستانده تاشکینت استخوان ایلیگی انتقال بیرووچی مرکزی، نیجرده آنه و باله ساغلیغی مرکزی، غزه ده ترک دوست لیک شفاخانه سی، سومالیده ترک تربیه لاوچی و تحقیق آلیب بارووچی شفاخانه سی، موگادیشوده رجب طیب ایردوغان تربیه لاوچی و تحقیق آلیب بارووچی شفاخانه سی و سودانده نیالا تربیه لاوچی و تحقیق آلیب بارووچی شفاخانه سی