ترکیه مطبوعاتیدن خلاصه لر ۰۵.۰۶.۱۳۹۵

صباح روزنامه سی, "ترکیه نینگ سایه سی هم کفایت قیلدی" عنوانی بیلن بیرگن بیر خبریده, سوریه نینگ حلب شهری گه باغلیق جرابلس نینگ ترور تشکیلاتی داعش دن تصفیه ایتیلیشی و پی کا کا نینگ سوریه ده گی قسمی دن عبارت بولگن پی وای دی بیلن وای پی جی نینگ فرات نینگ شرقی دن چیکیلیشی نی هدف قیلیب آلگن ترکیه نینگ ترک اردوسی نینگ بیر نفر منسوبی نینگ هم هیچ قنده ی بیر خساره گه دوچ کیلمسدن اوشبو هدفی نی قول گه کریتگن لیگی نی معلوم قیلماقده. 

خبرده, جرابلس نی داعش دن تصفیه قیلگن ترکیه نینگ, پی وای دی و وای پی جی کوچ لری نینگ هم فرات نینگ شرقی گه چیکیلیشی اوچون مهم بیر قدم تشله گن لیگی بیلدیریلماقده. 

روزنامه, ترکیه نینگ اوشبو عملیاتی نینگ اعزاز تامان کینگییب کیتیشی نینگ کوتیلیتگن لیگی نی یازماقده. 

ینی شفق روزنامه سی, ترکیه نینگ تانک, طیاره و حربی لری بیلن سوریه گه مداخله ایتیشی نینگ سوریه لیک اوروشچی لر نی خرسند قیلیب قویگن لیگی نی بیلدیرماقده. 

خبرده, ایرکین سوریه اردوسی نینگ اوروشچی لری و جرابلس خلقی نینگ ترک حربی لری نی "خوش کیلدینگیز!" سوز لری و خرسند چیلیک بیلن کوتیب آلگن لیک لری ایسله تیلماقده. 

روزنامه, فرات قالقانی نامیده گی اوشبو عملیات نی قومانده قیلگن ترک قوماندان جنرال ذکائی آقساققالی نینگ سونگگی وضعیت نی کنترول قیلیش اوچون جرابلس گه بارگن پیتده ایرکین سوریه اردوسی منسوب لری تامانیدن خرسند چیلیک بیلن کوتیب آلینگن لیگی نی بیلدیرماقده. 

خبرده, اولسواللیک نینگ مرکزی نی کوریب چیققن آقساققالی نینگ, محللی کوچ لرنینگ امنیت نی قنده ی قیلیب تامین ایته دیگن لیگی خصوصی نی بهالنتیرگن لیگی معلوم قیلینماقده. 

خبرترک روزنامه سی, ترکیه جمهوریتی حکومتی نینگ, ایران و عراق چیگره سیده گی آلدین یاپیلیب قویلگن ایککی چیگره دروازه سی نی آچیش گه قرار بیرگن لیگی نی ایسلتماقده. 

خبرده, اوشبو چیگره دروازه لری نینگ آچیلیشی بیلن چیگره تجارتی نتیجه سیده قاچاق اوتیش لر میزانی نینگ توشیب کیته دیگن لیگی معلوم قیلینماقده. 

حریت روزنامه سی, اینگ کتته ساختمانی شرکت لرنینگ معلوم قیلینگن لیگی نی بیلدیرماقده. 

خبرده, Engineering News Record مجله سی نینگ شرکت لرنینگ آلدینگی ییلده اولکه لری نینگ تشقریسیده قیلگن ایش لر دن تاپگن پول نی اساس آلیب تیارله گن لست ده, ترکیه دن هم ۴۰ ساختمانی شرکت نینگ اورین آلگن لیگی بیلدیریلماقده. 

روزنامه, شونده ی قیلیب اوشبو لست ده ترکیه نینگ ۶۵ شرکتی اورین آلگن چین آرتیدن ایککینچی اورین نی ایگلله گن لیگی نی قید ایتماقده. 

خبرده, اوچینچی اورین نی ایسه ۳۹ شرکت بیلن امریکا قوشمه ایالتلری نینگ کسب ایتگن لیگی معلوم قیلینماقده. 

ستار روزنامه سی, "سویدن ترک تلویزیونی سریالی پارام پارچه نی تماشا قیلماقده" عنوانی بیلن بیرگن بیر خبریده, اوشبو سریال نینگ, سویدن نینگ ملی تلویزیونی دن عبارت SVT۲ تامانیدن کورسه تیلیب باشلنگن لیگی نی یازماقده. 

خبرده, ۲۰ هفته دوامیده دوشنبه دن باشلب جمعه کونی گه قدر هر کون آقشام ساعت ۰۷:۳۰ ده کورسه تیله دیگن اوشبو ترک سریالی نینگ سویدن ده ۱۰۰ بولیمی نشر ایتیله دیگن ایلک سریال صفتیده کتته بیر موفقیت قول گه کریتگن لیگی معلوم قیلینماقده.  

روزنامه, اوشبو ترک سریالی نینگ دنیا نینگ ۵۰ دن آرتیغراق اولکه سی گه ساتیلگن لیگی نی بیلدیرماقده.