ترکیه نینگ مطبوعات خلاصه لری 31.4.1395

ترکیه نینگ مطبوعات خلاصه لری 31.4.1395

خبر ترک روزنامه سی: جمهور رئیس رجب طیب ایردوغان، دنیا مقیاسیده هیچ بیر رهبر دوچ کیلمه گن 15 نچی جولای کودتا حرکتی نی بحران و قیین چیلیک بیلن برطرف ایتیب رهبرلیگینی کورستدی دیب یازگن خبری نینگ دوامیده ایردوغان بحرانی وضعیت دن اولکه نی صبر و یوزی نینگ آقی بیلن چیقریش گه موفق بولدی. جمهور رئیس بو جریان بوییچه جایی کیلگنده اچیغی کیلیب، جایی کیلگنده صبرلی بولیب مدبیرانه بیر شکلده باشقریب چیقدی. برچه حزب لردن انسانلر، حکومت نینگ هم مذکور حادثه کیچه سی بحرانی وضعیتده بویوک جسارت، قاطعانه و کوچلی بیر شکلده اداره ایتگن لیگینی ایتماقده لر دیب یازماقده

صباح روزنامه سی: فوق العاده وضعیت نینگ دنیا مقیاسیده انچه مثالی موجود. اینیقسه ترور تشکیلات لری القاعده و داعش کبی خلق ارا ترور حادثه لرینی عملگه آشیرگن گروه لرنینگ یوزه گه چیقیشی بیلن غرب اولکه لریده عملی بولیب تورگن. مثال اوچون 13 نچی نومبر 2015 نچی ییل پاریس ده یوز بیرگن تروریستیک حادثه نینگ آرتیدن فرانسه اداره سی فوق العاده وضعیت اعلان قیلگن ایدی. اوشبو قرار بو کیچه 4 نچی بار تجدید ایتیلدی. جمله 14 آی دوام ایته دیگن بو حادثه فرانسه خلقینی نا راحت قیلمه یدی. ایریم بیر مثال امریکا قوشمه ایالتلریده موجود. اوکتوبر آی جریانیده یوز بیرگن خواکین طوفانی حادثه سی باعث جنوبی کرولینا ایالتیده دولت رئیسی بارک اوباما فوق العاده وضعیت اعلان قیلگن ایدی.

ستار روزنامه سی: غرب میدیاسی فتح الله چی ترور تشکیلاتی نینگ خونخوارانه کودتا حرکتی بیلن ترکیه دموکراسی سینی تهدید ایتیشی گه قره مه ی، کودتاگه هم اهمیت قائل بولمه ی تورگن. 15 نچی جولای فتونینگ کودتا حرکتی نینگ ناکام قالگن لیگی نینگ آرتیدن غرب میدیاسی حادثه کونی بیلن تیگیشلی مهم خبرلرنینگ جاییگه جمهور رئیس رجب طیب ایردوغان و حکومت نی آماج قرار بیریب، استبداد بیلن عیبلب باشله دی. غرب میدیاسی و غرب لیک تبصره یازووچی لری نینگ، کودتا کونی یوزلب کیشی نینگ شهید ایتیلگن لیگی قورقینچ لیک حادثه لرگه اورین بیرمه گن لیگی کوریلماقده دیر.

وطن روزنامه سی: خلق ارا قرض درجه لاوچی اداره سی فیتچ نینگ تحقیق دایرکتری جیمز واتسون کودتا حرکتی گه بناً ترک بانکلری نینگ بنیادی نینگ کوچلی ایکن لیگینی معلوم قیلیب، ترکیه بیلن علاقه لی قرض درجه نمره سینی قیته دن تیکشیریلیشی نی 19 نچی اگست کونی عملگه آشیررلیگینی افاده ایتگن لیگینی یازماقده. روزنامه فیتچ کودتا حرکتی نینگ آرتیدن بیرگن بیاناتیده حرکت نینگ ترکیه نینگ نمره سیگه احتمالی تأثیری نینگ سیاسی و اقتصادی اوزگریش لرگه باغلیغ ایکن لیگینی بیان ایتگن ایدی دیب یازماقده.