جهان مطبوعاتیدن خلاصه لر ۲۶.۱۲.۱۳۹۴

انگلستانده باسیلیب چیقه دیگن ایندیپندینت روزنامه سی, ترکیه نینگ مهم بیر معما گه دوچ کیلیب قالگن لیگی نی بیلدیرماقده.

ایندیپیندینت, اوشبو معما نی, "مدرن و یخشی نیتلی بیر جمعیت هردایم هجوملر گه دوچ کیلیب قاله دی" شکلیده خلاصه قیلماقده.

روزنامه, ترکیه نینگ, قریب ۲ میلیون ۷ یوز سوریه لیک مهاجر نی اوز بغری گه باسگن لیگی نی بیلدیررایکن, ترور تشکیلاتی پی کا کا بیلن بولگن تینچ لیک پروسه سی نینگ اداغگه ییتگن لیگی گه دقت قره تماقده.

آلمانده باسیلیب چیقه دیگن شتوتگارتر زایتونگ روزنامه سی, آلمان اوچون الترناتیف حزبی AfD نینگ سیلاو لر ده گی موفقیت لری بیلن علاقه لی قوییده گیچه یازماقده:

آلمان چیگره لری نینگ تشقریسیده خلقچی حرکت لر گه قرشی نیمه لرنینگ موثر ایمس لیگی نی کوریش ممکن. محتوا و تیل جهتیدن تحقیقات بیلن بو ایش نینگ قیلینیشی ممکن ایمس. جوده یمان کورسه تیش هم ییچیم یولی بوله آلمیدی. AfD هیتلر دیک بیر قدرت نی آرزو ایتیتگن نازیلردن عبارت ایمس. بیراق, اورته قسم نینگ ایچیده گی قیغو لر گه اهمیت بیریلیب بیر سیاست آلیب باریلیشی نینگ یخشی بیر ییچیم یولیدن عبارت بولیشی ممکن. اوشبو خصوصده مرکل, گبریال و کریتشمن کبی سیاستچی لرنینگ باش قاتیریش لری ضروری.

روسیه ده فعالیت آلیب باریتگن سپوتنیک نیوز انترنت سایتی, روسیه جمهوررئیسی ولادیمیر پوتین نینگ, وظیفه لری نینگ بویوک بیر قسمی نی تکمیل قیلگن سوریه ده گی روسیه هوائی کوچ لری نینگ سه شنبه کونیدن باشلب سوریه دن چیقیش لری نی امر ایتگن لیگی نی معلوم قیلماقده.

خبرده, حمیم قونلغه سی و طرطوس دینگیز کوچلری مرکزیده گی روس حربی لری نینگ فعالیت لری نینگ دوام ایته دیگن لیگی گه دقت قره تیلماقده.

عینی دمده, خودی منه شو ییرلرده قاله دیگن روس عسکر لری نینگ آتش بس نی کنترول ایته دیگن لیک لری معلوم قیلینماقده.

روزنامه, عسکر لرنینگ همه سی نینگ چیکیلیشی بیلن علاقه لی انیق بیر تاریخ نینگ مطرح ایمسلیگی نی بیلدیرماقده.

ایران خبر آژانسی ایرنا, بیرگن بیر خبریده, ایران بیلن ترکیه آره سیده ریل سفر لری نینگ قیته باشدن باشلیدیگن لیگی نی معلوم قیلماقده.

خبرده, ایران تیمیر یوللری شرکتی نینگ مسافرلر بوییچه مسئولی نینگ اورینباسری رشیدی نینگ, ایران بیلن ترکیه آره سیده گی ریل سفر لری نینگ امنیتی سببلر بیلن توختب قالگن لیگی نی بیلدیرگن لیگی ایسله تیلماقده.