جهان مطبوعاتی دن خلاصه لر ۱۶.۰۷.۱۳۹۳

جاپان ده باسیلیب چیقه دیگن سانکی شیمبون روزنامه سی, "ترکیه نینگ سیاستی اوزگرماقده" عنوانی بیلن بیرگن بیر خبری ده, ترکیه نینگ, امریکا ایتکچی لیگی ده گی کونگللی اولکه لر ائتلافی گه قوشیلیش گه طرفدار بیر سیاست آلیب باریب باشله گن لیگی نی بلدررایکن, براق, ترکیه جمهوریتی جمهوررئیسی رجب طیب اردوغان نینگ, حربی عملیات لر گه اشتراک ایتیش لری اوچون طیاره لرنینگ اوچیشی نینگ ممنوع بولگن بیر منطقه نینگ تشکیل ایتیلیشی و سوریه نینگ شمالی نینگ آره منطقه گه ایلنتریلیشی نینگ ضروری ایکن لیگی نی بلدرگن لیگی نی قید ایتماقده.
خبرده, حربی عملیات نینگ کینگ کولملی بولیشی و اوشبو عملیات نینگ خلق ارا جامعه نینگ همه سی تمانیدن تصدیق له نیشی نینگ قیین ایکن لیگی سببلی ترکیه بیلن کیلیشلیب آلینه دیگن لیگی یاکه آلینمیدیگن لیگی نینگ انیق ایمس لیگی ایسله تیلماقده.
فرانسه خبر آژانسی, ترکیه قوراللی کوچ لری قوماندانی سترجنرال نجدد اوز ایل نینگ سوریه توپراق لری ده ترکیه گه عاید کیچیک بیر منطقه دن عبارت سلیمان شاه مزاری نینگ امنیتی بوییچه مسئول بولگن حربی لر نینگ حمایه له نیشی بیلن علاقه لی بیر پیام ترقتگن لیگی نی معلوم قلماقده.
خبرده, اوشبو پیامی ده اوز ایل نینگ, "سیز یککه ایمس سیز. طلب ایتیشینگیز تقدیرده, ترکیه قوراللی کوچ لری زود لیک بیلن سیز نینگ یانینگیز ده بوله دی" دییه قید ایتگن لیگی بلدریلماقده.
انگلیس خبر آژانسی رویترس, ترکیه جمهوریتی جمهوررئیسی رجب طیب اردوغان نینگ, ریاستی سیستم هدفی نینگ توختب قالمه گن لیگی نی بلدررایکن, ترکیه ده کیله جک ییل ده بولیب اوته دیگن عمومی سیلاو لر آرتیدن ینگی اساسی قانون نینگ قبول ایتیلیشی نینگ اینگ مهم هدف لر دن بیری ایکن لیگی نی بلدرگن لیگی نی ایسلتماقده.
خبرده, اردوغان نینگ, ترکیه جمهوریتی پارلمانی ده قیلگن معروضه سیده, "میلادی ۲۰۱۵ نچی ییلی ده بولیب اوته دیگن سیلاو لر آرتیدن پارلمان ده گی حزب لر نینگ باشقه گپ لر نی بیر تمان گه قویشیب, ینگی اساسی قانون نی یازیش اوچون همه سی نینگ بیر یقه دن باش چیقاریشی کیره ک. ترکیه گه اویغون بیر اساسی قانون, ترکیه نینگ کوچی نی آرتریب یوباره دی" دییه قید ایتگن لیگی ایسله تیلماقده.
هسپانیا ده باسیلیب چیقه دیگن لو وانگاردیا روزنامه سی, دنیا ده روسیه, امریکا قوشمه ایالت لری, چین, فرانسه و انگلستان دن عبارت توپلم بیش کتته قورال صادر ایتوچی اولکه نینگ موجود ایکن لیگی نی بلدررایکن, ترکیه نینگ هم کیله جک اون ییل ده اوشبو موضوع بیلن علاقه لی آلتینچی اورین نی ایگلله ش گه حرکت ایتیتگن لیگی نی معلوم قلماقده.
خبرده, شوندای قلیب ترکیه نینگ دنیا ده قورال تولیدی بوییچه ایلک اون اولکه نینگ ایچی ده اورین آلیش نی طلب ایتیتگن لیگی معلوم قلینماقده.
خبرده, انقره ده بولیب اوتگن بیر کنفرانس جریانی ده صحبت ایتگن ترکیه مدافعه و هوا چیلیک صنایع سی صادراتچی لری بیرلیگی نینگ باشلیغی ارال آلیش نینگ, ترکیه جمهوریتی نینگ ۱۰۰ نچی ییل لیگی دن عبارت بوله دیگن ۲۰۲۳ نچی ییلی ده مدافعه صنایع سی بوییچه صادراتی نینگ ۲۵ میلیارد دالر گه کوتریلیب کیتیشی نینگ ممکن ایکن لیگی نی بلدرگن لیگی گه دقت قره تیلماقده.