جهان مطبوعاتی دن خلاصه لر ۱۹.۰۶.۱۳۹۳

آذربایجان نشراتی اورگان لری, ترکیه جمهوریتی جمهوررئیسی رجب طیب اردوغان نینگ آذربایجان پایتختی باکو گه قیلگن سفری گه تیگیشلی خبر لر گه کینگ اورین اجره تماقده.
آذربایجان ده باسیلیب چیقه دیگن مساوات روزنامه سی نینگ, جمهوررئیسی اردوغان بیلن آذربایجان جمهوررئیسی الهام علی یف نینگ مشترک مطبوعاتی کنفرانسی نینگ تولیق متنی گه اورین اجره تگن لیگی کورینماقده.
کونده لیک تیلگراف روزنامه سی ایسه, عادت گه ایله نیب قالگن عنعنه گه کوره جمهوررئیسی اردوغان نینگ جمهوررئیسی اوله راق ایلک سفری نی باکو گه اویشترگن لیگی نی ایسلتماقده.
روزنامه, میلادی ۱۹۱۵ نچی ییلی حادثه لری بیلن علاقه لی ارمنی ادعا لری نینگ اساس گه ایگه ایمس لیگی نینگ کورسه تیلیشی اوچون ترکیه بیلن آذربایجان نینگ مشترک روشده حرکت ایته دیگن لیگی نینگ بلدریلگن لیگی نی قید ایتماقده.
ایکسپریس روزنامه سی ایسه, علی یف نینگ, "ترکیه نینگ کوچلی بولیشی تقدیرده, آذربایجان هم کوچلی بوله دی" دییه قید ایتگن لیگی نی معلوم قلماقده.
اردوغان نینگ, "قرداش لیگی میز ینه ده آرتیب کیته دی" عنوانی بیلن بیرگن بیر خبری ده ۵۲۵ نچی روزنامه, جمهوررئیس لری نینگ مطبوعاتی کنفرانس لری جریانی ده بیرگن بیانات لری گه اورین اجره تماقده.
خودی منه شو موضوع گه کینگ اورین اجره تگن خلق و ینی آذربایجان روزنامه لری هم, ترقتگن عکس لری بیلن اردوغان نینگ باکو گه قیلگن سفری نینگ جزئیاتی باره سیده معلومات بیردی.
پارالیل روزنامه سی, علی یف بیلن اردوغان نینگ, یوقاری قاره باغ معما سی, ارمنی ادعا لری و آذربایجان بیلن ترکیه آره سیده گی اقتصادی همکارلیک لری باره سیده پیام بیرگن لیک لری نی معلوم قلماقده.
ترکیه ده, پارلمان ده ۶۲ نچی حکومت ۳۰۶ نفر وکیل نینگ رایی بیلن اعتماد رایی کسب ایتیب اوز وظیفه سی گه باشله دی.
هسپانیا نینگ نشراتی اورگانی دن عبارت لو وانگاردیا ترکیه جمهوریتی باش وزیری احمد داوود اوغلی نینگ بیرگن بیانات لری ده, "کسب ایتیتگن حمایه بیلن کیچه- کوندوز ایشلش اوچون پارلمانی میز و خلقی میز گه وعده بیره میز" دییه قید ایتگن لیگی نی قید ایتماقده.
روزنامه, داوود اوغلی نینگ, ترکیه نینگ میلادی ۲۰۲۳ نچی ییلی ده دنیا نینگ اینگ کتته ۱۰ نچی اقتصادی کوچی و عینی دمده اوروپا بیرلیگی اعضاسی بولیش نی هدف قلیب آلیتگن لیگی نی معلوم قلماقده.
امریکا قوشمه ایالت لری مدافعه وزیری چک هیگل انقره ده ایریم اوچره شو لر اوتکزدی.
رویترس خبر آژانسی, هیگل نینگ جمهوررئیسی رجب طیب اردوغان و باشقه رهبر لر بیلن اوچره شیشی آرتیدن بیرگن بیانات لری ده, "بوگونگی مذاکره لر, داعش و داعش نینگ نماینده لیک ایتیتگن هر نرسه نی یوق ایتیش هدفی گه ایگه خودی منه شو تشبث لر ترکیه نینگ قرارلی لیگی نی انیق روشده تائید ایتدی" دییه قید ایتگن لیگی نی معلوم قیلدی.