تورکیه ده عالی بیلیم یورتیده اویوشتیریلگن قوراللی هجوم عاقبتیده تورت استاد جان بیردی
هجومچی نینگ تیرگاو قیلینیشی آرتیدن حادثه سببی نینگ انیقله شیشی کوتیلماقده
تورکیه نینگ ایسکی شهر ولایتیده عثمان غازی عالی بیلیم یورتی تعلیم و تربیه فاکولته سیده بیر استاد نینگ باشقه کسبداش لری گه قره ته اوق اوزیشی عاقبتیده تورت مسلکداشی جان بیردی.
جان بیرگن کیشی لرنینگ همه سی نینگ تعلیم و تربیه فاکولته سی استاد لریدن عبارت ایکن لیک لری بیلدیریلدی.
اوشبو کیشی لرنینگ بیری فاکولته رئیسی نینگ اورینباسری, بیری فاکولته سکرتری و باشقه لری نینگ ایسه فاکولته نینگ استاد لریدن عبارت ایکن لیک لری معلوم قیلیندی.
کسبداش لری نی آتیب اولدیرگن وولکان بایار اسمی گه ایگه قوراللی هجومچی ایسه خوفسیزلیک کوچلری تامانیدن اوشلندی.
اوشبو حادثه نینگ سببی حقیده ایسه حاضرچه انیق بیر معلومات موجود ایمس.
بیراق, هجومچی نینگ تیرگاو قیلینیشی آرتیدن حادثه سببی نینگ انیقله شیشی کوتیلماقده.
حادثه محللی گه کوپلب پولیس و امبولانس کیلگن وضعیتده.
عینی دمده واقعه نی ایشیتگچ, استاد لر و اوقووچی لرنینگ عایله اعضا لری نینگ هم حادثه محللی گه کیلگن لیک لری معلوم قیلیندی.
