قزاقستان ده ترک دنیاسی موزیک فستیوالی بولیب اوتدی
ترک جمهوریت و جمعیت لریدن ترک صنعتکارلر قتنشدی
قزاقستان نینگ پایتختی آستانه ده اویوشتیریلگن 10 خلق ارا آستانه ترک دنیاسی عنعنوی موزیک فستیوالی گه ترکیه، قزاقستان و آذربایجان قاله ویرسه ایلک بار افشار و سالور ترکلریدن هم صنعتکارلر قتنشدی.
آستانه تیاتر صالونیده گی فستیوال ده ترک دنیاسیدن اولکه لرنینگ نماینده لیگیده صحنه گه چیققن صنعتکارلر ملی اسباب لری بیلن اوزلریگه خاص عنعنوی موزیک و قوشیق لرینی اجرا ایتدیلر.
فستیوال نینگ باشقرووچیسی عسکر عمر اوف، عنعنوی ترک موزیک پروسه سی نینگ آستانه ده نمایش گه قویماقچی بولگن لیکلرینی افاده ایتدی.
عمر اوف؛
"موزیک خلق لرنی بیرلشتیرووچی معتبر بیر تیل دیر. برچه موزیک لر مشترک بیر تاریخ گه ایگه دیرلر. بو ییل فستیوال گه افشار و سالور ترک لری هم اشتراک ایتدیلر. سالورلر چین دن کیلدیلر. 100 مینگ کیشی لیک نفوس لری بار و اوغوذ ترکچه سی بیل گپلشه دیلر. افشارلر ایسه جنوبی ایران تامانیدن کیلگن ترک قوم لری دیرلر،" دیدی.
عمر اوف فستیوال اشتراکچیلری نینگ هر ییل کوپه یگن لیگینی بیان ایتدی.
