بیرلشگن ملت لر ترک توریزمی نی حمایه له ماقده

بیرلشگن ملت لر توریزم تشکیلاتی توریست لرنینگ ترکیه گه سفر قیلیش لرینی طلب ایتدی.  

ترکیه جمهوریتی فرهنگ و توریزم وزیری نبی آوجی, اسپانیا پایتختی مادرید ده اسپانیا دولت سکرتری ایسابیل بوریگو و دنیا توریزم تشکیلاتی نینگ عمومی سکرتری طالب رفاهی بیلن اوچره شدی.  

آوجی بیلن رفاهی ترک توریزمی نینگ حمایه له نیشی بیلن علاقه لی بیر کیلیشو نی امضاله دیلر.  

ترکیه نینگ توریزم دنیاسی نینگ قلبیده اورین آلگن لیگی نی بیلدیرگن طالب رفاهی, "ترکیه, هردایم بولیب کیلگن لیگی دیک, دنیا توریست لری نی کوتیب آلیش گه تیار" دییه قید ایتدی.  

جولای آیی نینگ ۱۵ نچی کونیده گی کودتا تشبثی باره سیده بحث ایتگن رفاهی, اساسی وظیفه لری نینگ ترک توریزمی نینگ حمایه له نیشیدن عبارت ایکن لیگی نی ایسله تیب اوتدی.  

ترکیه جمهوریتی فرهنگ و توریزم وزیری نبی آوجی ایسه, امضالنگن کیلیشو نینگ موجود بولگن همکارلیک لرنینگ ینه ده آرتیریلیشی اوچون کیره ک لیک تدبیر لر و پیشنهاد لر نی قمره گن لیگی نی معلوم قیلدی.  

ترکیه نینگ هم اساسچی لری دن بیری بولگن بیرلشگن ملت لر دنیا توریزم تشکیلاتی گه اعضا ۱۵۴ اولکه موجود.