شیطان نینگ شریدن قنده ی قیلیب نجات تاپیش ممکن؟

اصل آتی ابلیس بولگن شیطان, جن لر کبی آلاو دن یره تیلگن. وظیفه سی ایسه الله تعالی گه بنده لیک ایتیشدن عبارت. انسان لر یره تیلمسدن آلدین ملکلر بیلن بیرگه یشه گن. حضرت آدم نینگ یره تیلگن لیگی اوچون قیزغنگن. الله سبحانه و تعالی نینگ, "آدم گه سجده قیلینگ" شکلیده گی بویروغی گه عمل قیلمه گن. تکبر قیلیب امتحان دن اوته آلمه گن. شونده ی قیلیب اونگه الله حضوریدن هیده لگن, خیر و گوزه للیکلردن اوزاق معنی لری گه کیله دیگن "شیطان" اسمی بیریلگن.

قرآن کریمده, شیطان نینگ انسان لرنینگ انیق دشمنی ایکن لیگی, انسان لر نی یمان ایشلر نی قیلیش گه تشویق ایتیتگن لیگی و الله سبحانه و تعالی نینگ انسان لر بیلن شیطان نی بیر بیر لری گه دشمن قیلیب یره تگن لیگی بویوریلگن. عینی دمده حضرت پیغمبری میز محمد (ص) هم, بیر حدیث شریفلریده, "شیطان, قاندیک انسان نینگ وجودیده موجوددیر" شکلیده بویوریب, شیطان بیلن انسان آره سیده گی مناسبت نی قان بیلن انسان آره سیده گی مناسبت گه اوخشتماقده. قان نینگ بدنی میز نینگ بوتون قسم لری گه ییتیب باره دیگن لیگی دیک, شیطان هم تامیر لر ده گی قان کبی انسان گه یقین بوله دی. شونده ی قیلیب اوشبو انسان نی قولیدن کیلگنیچه الله یولیدن انحراف ایتتیریش گه حرکت ایته دی. شوباعث انسان نینگ, شیطان نینگ اوشبو حرکت لریدن اوزاق توریشی اوچون هر دایم تدبیرلی بولیشی کیره ک.

شیطان, اوزی اوچون امتحان وسیله سی بولیب و ناکام قالیشی گه سبب بولگن انسانلر نی حق تعالی دن اوزاق لشتیریب دوزخ تامان یوباریش اوچون قولیدن کیله دیگن برچه سعی و حرکت نی قیله دیگن لیگی نی بیلدیرگن. اوشبو خصوصده الله تعالی قرآن کریمده الاعراف سوره سی ۱۶ نچی و ۱۷ آیت مبارکه لریده, "او, مینی اغوا گه اوچیرگنینگ سببلی, البته مین اولرنی توغری یولدن توسیب اوتیره من" و "سونگره اولرنینگ آلدیلریدن, آرقه لریدن, اونگ تامانلریدن و چپ تامانلریدن کیله من. و اولرنینگ کوپلری نی شکر قیلیوچی حالده تاپمسسن, دیدی" شکلیده بویورگن.

حضرت پیغمبری میز محمد (ص) هم, مسلمان لرنینگ خیرلی بیر ایش قیلیش گه قرار بیرگنده, شیطان نینگ اونینگ عقلی گه فرقلی بهانه لر نی قویب, اونی اوشبو خیر ایش نی قیلیشدن واز کیچیریش گه حرکت ایته دیگن لیگی نی بویورگنلر. اوشبو آیات کریمه و حدیث گه قره گنده شیطان نینگ اینگ کتته آرزو سی نینگ انسان لر نی الله یولیدن چیقریب قویشدن عبارت ایکن لیگی کورینماقده.

قرآن کریمده گی حضرت آدم و عیالی نینگ شیطان بیلن بولگن امتحانی گه تیگیشلی آیت کریمه لر گه قره گنده, شیطان نینگ انسان نینگ ضعیف تامانلری نی بیلگن لیگی و اوشبو امکانیتدن فایده له نیتگن لیگی کوزگه تشلنماقده. شیطان, یلغان وعده لر, جانی, مالی و عایله سی سنگری نیرسه لری نی قولدن بیریب قویش یاکه الله نینگ عفوی گه ایشانتیریب انسان لر نی ناتوغری یول گه سالیب قویش گه حرکت ایتماقده. شیطان نینگ انسان لر گه قرشی بیواسطه استفاده ایتیشی ممکن بولگن هیچ قنده ی بیر کوچی یوق. شیطان فقط گینه آدم لرنینگ ضعیف تامانلری و آخری بولمه گن آرزو لریدن استفاده ایتیب اوشبو انسانلر نی یولدن چیقرماقده خلاص.

مقدس اسلام دینیده, شیطان برچه یمان لیق لرنینگ بیر سمبولیدن عبارت. شونده ی قیلیب اسلام دینیده یمان فعل لر شیطان گه و یخشی عمل لر ایسه ملک لر گه نسب بیریلماقده. قرآن کریمده هم کوپلب حرام بولگن ایشلر نی قیلیش و یخشی لیک لر نی ترک ایتیش نینگ شیطان نینگ ایشی ایکن لیگی بویوریلگن. شونده ی قیلیب یمان لیک نینگ شیطان له شیشدن عبارت ایکن لیگی اورغولنگن. عینی دمده قرآن عظیم الشانده مشخص بیر شیطان اورنی گه شیطان لردن بحث ایتیلماقده. اوشبو وضعیت نینگ اوزی ایسه, یمان لیک نینگ سمبولی بولگن کوپلب شیطانی حادثه یاکه نیرسه نینگ موجود ایکن لیگی معنی سی گه کیلماقده. مسلمان لرنینگ حیاتی, هر جهت دن آلیب قره گنده اوشبو شیطان لر گه قرشی کوره ش پروسه سیدن عبارت.

شیطان نینگ اینگ مهم خصوصیت لریدن بیری کبر دن عبارت البته که. حضرت آدم گه نیمه اوچون سجده قیلمه گن لیگی سوره لگنده, شیطان, الاعراف سوره سی ۱۲ نچی و ۱۳ نچی آیت مبارکه لریده بیلدیریلگن لیگی دیک, "مین اوندن یخشی من. مینی اوتدن یره تدینگ و اونی لایدن یره تدینگ" دییه جواب قیترگن. خودی منه شو کبر نینگ اوزی شیطان نینگ الله نینگ حضوریدن اوزاق لشتیریلیشی گه سبب بولگن. قرآن کریمده هم شیطان خصوصیده معلومات بیریلرایکن, آلنیشی کیره ک بولگن اینگ مهم درس لردن بیری انسان لرنینگ کبر و غرور قیلمسلیگی کیره ک ایکن لیگیدن عبارت.

بوندن تشقری شیطان, انسان لر نی یولدن چیقریب قویب, بولمه گن نیرسه لر بیلن خیال گه غرق قیلیب قویه دیگن لیگی نی بیلدیرگن. شوباعث, الده تیش هم شیطان نینگ خصوصیت لریدن بیری نی تشکیل ایتماقده. شیطان گه نسبت بیریلگن برچه صفت و فعل لر مسلمان لر گه یره شمیدی. شونده ی قیلیب انسان لرنینگ حیاتی دوامیده شیطان دن اوزاق توریشی کیره ک.

شیطان نینگ باشقه بیر خصوصیتی ایسه انسان لر گه وسوسه بیریش دن عبارت. شیطان انسان گه وسوسه بیریب اونی یمان یول گه سوق ایتماقده. یمان ایشلر و حرام لر نی اونگه یخشی قیلیب کورسه تیب اونی حرام عمل لر قیلیش گه اونده ماقده. اینیقسه عبادتلر خصوصیده مسلمان نی راحت سیز ایته دی. انسان نی عبادت دن اوزاق لشتیریش گه و الله تعالی نینگ بویروق لری نی بجا کیتیریشدن واز کیچیریش گه تشویق ایته دی. شیطان انسان لرنینگ عادی وضعیت لرده عقلی گه کیلمیدیگن نیرسه لر نی نماز اوقیتگن پیتده عقلی گه کیلتیره دی. شونده ی قیلیب نماز جریانیده اوشبو مسلمان کیشی نینگ تینچی نی بوزیب قویه دی. باشقه چه قیلیب ایتگنده خودی منه شو کیشی نینگ عبادت نعمتیدن فایده له نیشی گه مانع بوله دی.

بونگه قره مسدن مسلمان لر شیطان گه قرشی یالغوز قیلیب قویلگن ایمس. یخشی لیک نی تشویق ایتیتگن ملک لر اوشبو کیشی نینگ بیر دوستی دن عبارت. انسان لرنینگ شیطان نینگ وسوسه سیدن قوتیلیشی اوچون الله سبحانه و تعالی گه سیغینیش لری طلب ایتیلگن. الاعراف سوره سی ۲۰۰ نچی و ۲۰۱ نچی آیت مبارکه لریده, "اگر سینگه شیطان تامانیدن سنچیش سنچیلسه, الله دن پناه سوره. البته, او یخشی ایشیتوچی و یخشی کوروچی ذاتدیر" و "تقوی قیلیوچیلر, اگر اولر گه شیطاندن بیر شرپه ییتسه, ذکر قیلرلر, پس, کوریپسن که اولر (توغری یولنی) کوروچی بولیب توریبدیلر" شکلیده بویوریلگن لیگی دیک, الله تعالی اونی ذکر ایتگن بنده لری نی قوریدیگن لیگی نی بویورگن.