افغانستان ده ینه باله فلجی کسل لیگی تثبیت ایتیلدی

افغانستان ده جنوری آییدن بوگونگچه 4 – مرته باله فلجی کسللیگی کوریلدی.

طالبان اوتیش دوری ساغلیکنی سقلش وزیرلیگی تامانیدن بیریلگن بیاناتده ننگرهار ولایتی بهسود تومنیده ینگی بیر باله فلجی واقعه سی نینگ تثبیت ایتیلگن لیگی بیلدیریلدی.

شونده بولیب جنوری آییدن بوگونگچه 4 – مرته باله فلجی واقعه سی تثبیت ایتیلگن بولدی.

میلادی جاری ییلده ننگرهار ولایتی نینگ کوت، نازیان و بتی کوت تومنلریده باله فلجی کسل لیگی تثبیت ایتیلر ایکن خوددی شو باله لردن بیرته سی حیاتینی یوقاتگندی.

بوندن آلدین انچه اولکه ده تثبیت ایتیلگن باله لر فلجی واقعه سی کوچلی ایملش کمپاینلری نتیجه سیده اوشبو کسللیک کمه ییب کیتگندی.

باله لر فلجی کسل لیگی شو وقت ایملش امکانیتی بولمه گن پاکستان و افغانستان ده کوریلماقده.

افغانستان ده 2020 ییلی 56 ته، 2021 ییلی 4 ته، 2022 ییلی ایسه 2 ته باله فلجی واقعه سی تثبیت ایتیلگندی.

اولکه ده اوزاق ییللردن بیری دوام ایتیب تورگن توقنه شوولر و خوفسیزلیک معمالری کسللیکلرنینگ کوپه ییب باریشی گه سبب اوله راق کوریلماقده.