افغانستان قیزیل یریم آی جمعیتی تورکیه گه تورت میلیون بیش یوز مینگ افغانی یاردم بیردی

افغانستان قیزیل یریم آی جمعیتی, تورکیه نینگ قهرمان ماراش ولایتیده یوز بیرگن زلزله لر آرتیدن تورکیه گه 4 میلیون 500 مینگ افغانی (تقریباً 940 مینگ تورک لیره سی) نقدی یاردم بیردی. 

اوتکینچی طالبان حکومتی گه باغلیق افغانستان قیزیل یریم آی جمعیتی نینگ باشلیغی مولوی مطیع الحق خالص, زلزله ده مینگلب کیشی نینگ حیاتینی یوقاتگن لیگی باعث قیغوداشلیک بیلدیریش مقصدی بیلن تورکیه نینگ کابل سفارتی گه باردی. 

سفارتده گی تسلیت کتابی گه قیغوداشلیک پیامی یازگن خالص, زلزله ده حیاتینی یوقاتگن لر گه الله دن رحمت و یره لنگن لرگه ایسه عاجل شفا تیلب قالدی. 

خالص, تورکیه نینگ بشری یاردم لری بیلن اینگ یمان وقت لرده افغانستان خلقی نینگ یانیده بولگن لیگینی بیلدیررایکن, تورکیه ده زلزله دن تاثیرلنگن لر گه یاردم اوچون تورکیه نینگ کابل ایلچی سی جهاد ایرگین آی گه 4 میلیون 500 مینگ افغانی پول نی تاپشیردی. 

اوشبو یاردم اوچون افغانستان قیزیل یریم آی جمعیتی گه منتدارچیلیک بیلدیرگن ایرگین آی هم ایکله اولکه نینگ تاریخ دوامیده بیر بیر لری بیلن همکار بولیب کیلگن لیگینی معلوم قیلدی.