کابلده گی هجوم نینگ مسؤلیتینی داعش اوز بوینی گه آلدی

افغانستان نینگ پایتختی کابلده توناون کونی اویوشتیریلگن هجوم نینگ مسؤلیتینی ترور تشکیلاتی داعش اوز بوینی گه آلدی.

ترور تشکیلاتی داعش اجتماعی ترماق آرقه لی نشر قیلگن پست بیلن کابل نینگ شهرنو منطقه سیده چین هوتلی گه قره ته اویوشتیریلگن هجوم نی بوینی گه آلگن لیگینی بیلدیردی.

شونده ی بولیب کابلده جایلشگن ایمرجنسی کسلخانه سی تامانیدن بیریلگن بیاناتده، خوددی شو هجوم عاقبتیده اولگن 3 کیشی نینگ جسدی بیلن بیر قطارده 18 کیشی یره لی نینگ کسلخانه گه انتقال بیریلگن لیگی معلوم قیلیندی.

طالبان اوتیش دوری باشقرووی سوزچیسی ذبیح الله مجاهد ایسه اجتماعی ترماق آرقه لی بیرگن بیاناتده، کابل نینگ شهرنو منطقه سیده گی هوتلدن چیت ایللیکلرنینگ قوتقریب آلینگن لیگینی ایککی نفر چیت ایللیک نینگ هوتل نینگ پنجره سیده اوزینی تشلب یره لنگن لیگینی بیلدیرگندی.