کابلده گی پارتلش حادثه سیده کوپلب کیشی نینگ اولگن لیگی بیلدیریلدی

افغانستان نینگ پایتختی کابلده جایلشگن روسیه بویوک ایلچی لیگی نینگ یقینیده پارتلش یوز بیردی، عاقبتده 4 کیشی تینچ اهالی بیلن 2 نفر بویوک ایلچیلیکد نینگ روس ملازمی جان بیردی.

طالبان اوتیش دوری حکومتی کابل امنیه قومندانلیگی سوزچیسی خالد زدران، مطبوعاتگه بیرگن بیاناتده، خودکش هجومچی نینگ روسیه نینگ کابل بویوک ایلچی لیگی نینگ یانیده اوستیده اورنه تیلگن منفجره موادنی پارتلتیب یوبارگن لیگینی بیلدیردی.

هجومچی نینگ ایلچیلیک نینگ ایشیگیده گی گاوجوم بولیب تورگن انسانلرگه ییتیشمه ی توروب طالبان کوچلری نینگ توسیق بولگن لیگینی افاده ایتگن زدران هجوم عاقبتیده 4 کیشی تینچ اهالی بیلن 2 نفر بویوک ایلچیلیک نینگ روس ملازمی نینگ جان بیرگن لیگینی قید ایتدی.

ییتکچیلر پایتخت کابل نینگ دارالامان جاده سیده گی روسیه بویوک ایلچی لیگی نینگ یقینیده پارتلش یوز بیرگنلیگینی و تلفات موجود ایکن لیگینی بیلدیرگندی.

شاهدلر خوددی شو هجوم نینگ روسیه بویوک ایلچیلیگی نینگ ایشیگیده ویزه اوچون کیلگنلرگه قره ته اویوشتیریلگن لیگینی ادعا ایتماقده.

منطقه گه انچه امبولانس انتقال ایتتیریلگن لیگی شونده ی بولیب اطرافده گی جادده لرنینگ ترافیک که یاپیب قوییلگن لیگی قید ایتیلدی.

هجوم نینگ مسؤلیتینی حلی گچه هیچ کیم بوینی گه آلگن یوق.  

شونده ی بولیب روسیه تشقی ایشلر وزیرلیگی اوشبو هجوم عاقبتده 2 نفر بویوک ایلچیلیک نینگ روس ملازمی نینگ جان بیرگن لیگینی اعلان قیلدی.

بیاناتده، روس بویوک ایلچیلیگی نینگ تیرگاو آلیب بارگن افغانستان ییتکچیلری بیلن علاقه ده ایکن لیگی بیلدیریلدی.

بیرلشگن ملتلر تشکیلاتی افغانستان یاردم کمیشنرلیگی «یوناما» بیرگن یازمه بیانات بیلن خودکش هجومنی قاره له دی.

بیاناتده طالبان باشقروویده خلق نینگ و دیپلوماتیک نماینده لیکلرنینگ خوفسیزلیگی نینگ تامین ایتیلیشی توغریسیده جدی فعالیت آلیب باریشینی خواهله دی.